ისრაელის პრემიერ-მინისტრ ბენიამინ ნეთანიაჰუს ოფისის განცხადებით, გადაწყვეტილება მიღებულია მას შემდეგ, რაც ჰამასმა არაერთხელ თქვა უარი მძევლების გათავისუფლებაზე და უარყო აშშ-ის პრეზიდენტის სპეციალური წარმომადგენლის, სტივ უიტკოფის და შუამავლების წინადადებები.ისრაელის არმიამ ღაზის სექტორზე შეტევა 18 მარტს, შუაღამის შემდეგ განაახლა. თავდაცვის არმიის და უსაფრთხოების სამსახურის ერთობლივ განცხადებაში ნათქვამია, რომ მასირებული დარტყმების სამიზნეა ტერორისტული ორგანიზაცია ჰამასის ობიექტები.ჰამასმა, რომელსაც ტერორისტულ ორგანიზაციად მიიჩნევენ აშშ და ევროკავშირიც, ისრაელი დაადანაშაულა სამშვიდობო შეთანხმების ცალმხრივად შეწყვეტაში.ჰამასის მიერ კონტროლირებული ღაზის სექტორის ჯანდაცვის სამინისტროს მონაცემებით, ისრაელის დარტყმების შედეგად დაღუპულია 200-ზე მეტი ადამიანი. სხვა წყაროებით ეს ინფორმაცია დაზუსტებული არ არის.თეთრი სახლის პრესმდივანმა კეროლაინ ლივიტმა Fox News-ს განუცხადა, რომ ისრაელმა პრეზიდენტ დონალდ ტრამპის ადმინისტრაციას წინასწარ აცნობა ღაზაში ოპერაციის განახლების გადაწყვეტილება და მასთან კონსულტაციები ჰქონდა. ასევე ნახეთ პრეზიდენტმა ტრამპმა ჰამასს „ბოლო გაფრთხილება“ მისცა აშშ-ის, კატარის და ეგვიპტის შუამავლობით ისრაელსა და ჰამასს შორის მიღწეული ცეცხლის შეწყვეტის შეთანხმება 2025 წლის 19 იანვრიდან ამოქმედდა. რამდენიმეეტაპიანი შეთანხმება ითვალისწინებდა ღაზის სექტორში საბრძოლო მოქმედებების შეწყვეტას, ადგილობრივი მოსახლეობის ჰუმანიტარულ დახმარებას და ჰამასის მიერ მძევლების, ხოლო ისრაელის მიერ პალესტინელი პატიმრების გათავისუფლებას.პირველ ეტაპზე, რომელიც 1 მარტს დასრულდა, ჰამასმა ისრაელს დაუბრუნა 33 მძევალი (მათგან 8 ცხედარი), ხოლო ისრაელმა გაათავისუფლა დაახლოებით 1800 პალესტინელი პატიმარი.მეორე ეტაპის პირობების შეთანხმება ვეღარ მოხერხდა. ასევე ნახეთ ჰამასის შეთავაზება ისრაელელ-ამერიკელი მძევლის გათავისუფლებაზე ისრაელმა უარყო, როგორც "ფსიქოლოგიური ომი" გასული კვირის ბოლოს ისრაელის პრემიერ-მინისტრის ოფისმა განაცხადა, რომ ისრაელის წარმომადგენლები ეგვიპტეში შეხვდნენ ადგილობრივ დიპლომატებს, რათა განეხილათ ჰამასის მიერ მძევლების შემდგომი გათავისუფლების საკითხი.15 მარტს პრემიერ-მინისტრმა ნეთანიაჰუმ ისრაელის წარმომადგენლებს მოუწოდა აშშ-ის პრეზიდენტის სპეციალური წარმომადგენლის, სტივ უიტკოფის წინადადებების საფუძველზე, შუამავლების მეშვეობით ჰამასთან მოლაპარაკება გაეგრძელებინათ. უიტკოფის მოთხოვნა იყო, რომ ჰამასს დაუყოვნებლივ გაეთავისუფლებინა 11 ცოცხალი მძევალი და ისრაელისთვის გადაეცა დაღუპულთა ცხედრების ნახევარი.16 მარტს უიტკოფმა CNN-ს განუცხადა, რომ აქვს შუალედური წინადადება, რომლის თანახმად, ჰამასმა უნდა გაათავისუფლოს ხუთი ცოცხალი...