17 მარტს ბრიუსელში გამართულ საგარეო საქმეთა საბჭოზე ევროკავშირის წევრი სახელმწიფოების საგარეო საქმეთა მინისტრებმა რადიო თავისუფალი ევროპა/რადიო თავისუფლების (RFE/RL) შესაძლო დაფინანსების შესახებ იმსჯელეს.მინისტრების სხდომაზე ეს საკითხი ჩეხეთის საგარეო საქმეთა მინისტრმა, იან ლიპავსკიმ წამოჭრა."მე ეს საკითხი ღია შეკითხვის სახით დავსვი - ვართ თუ არა დაინტერესებულნი, გვქონდეს ასეთი სამსახური, რომელიც ჩვენი სამეზობლოსთვის ასეთი მნიშვნელოვანია?" - განმარტა შეხვედრის დასრულების შემდეგ ჩეხეთის საგარეო საქმეთა მინისტრმა."მივიღე პოზიტიური პასუხები, ეს კი იმაზე მიუთითებს, რომ ახლა შესაძლო გამოსავალს ვეძებდეთ. არაფერი კონკრეტული. რა თქმა უნდა, ეს დამოკიდებული იქნება ამერიკულ მხარეზე", - დასძინა მან.რადიო თავისუფლებას დიპლომატიურმა წყარომ აცნობა, რომ ჩეხების იდეას მაშინვე მხარი დაუჭირეს პოლონელებმა და ბალტიის ქვეყნებმა - ლატვიამ, ლიეტუვამ და ესტონეთმა. მათი აზრით, RFE/RL-ის მუშაობის შეჩერება იქნება "საჩუქარი ევროპის მეტოქეებისთვის" და მისი დახურვა "გამოუსწორებელ ზიანს მიაყენებს დემოკრატიულ მისწრაფებებს მსოფლიოს მასშტაბით". პოლონეთის საგარეო საქმეთა მინისტრი რადოსლავ შიკორსკი და ევროკავშირის უმაღლესი წარმომადგენელი კაია კალასი 14 მარტს აშშ-ის პრეზიდენტმა დონალდ ტრამპმა ხელი მოაწერა აღმასრულებელ ბრძანებას შვიდი ფედერალური სააგენტოს, მათ შორის აშშ-ის გლობალური მედიის სააგენტოს (USAGM) შემცირების შესახებ.USAGM მეთვალყურეობს მედიაკორპორაცია რადიო თავისუფალი ევროპა/რადიო თავისუფლებას, „ამერიკის ხმასა“ და ზოგიერთ სხვა მედიასაშუალებას.განკარგულების გამოქვეყნებიდან რამდენიმე საათში გასაჯაროვდა USAGM-ის წერილი, რომელშიც ნათქვამია, რომ წყდება აშშ-ის კონგრესის მიერ დამტკიცებული გრანტი RFE/RL-ისთვის.ევროპელ კოლეგებთან შეხვედრის დასრულების შემდეგ, RFE/RL-ის დაფინანსებასთან დაკავშირებით ილაპარაკა პოლონეთის საგარეო საქმეთა მინისტრმა, რადოსლავ შიკორსკიმაც.მან გაიხსენა, როგორ უსმენდა მამამისი ამერიკის ხმასა და რადიო თავისუფლებას პოლონეთის კომუნისტური მმართველობისას."ასე ვიგებდით საბაზისო ფაქტებს ჩვენივე ქვეყნების შესახებ, რადგან კომუნისტური პროპაგანდა მკაცრად კონტროლდებოდა".რადოსლავ შიკორსკის თქმით, ევროკავშირი იმსჯელებს, თუ რა შეიძლება გაკეთდეს ახლა."ერთი გზა იქნებოდა, რაზეც მე ვისაუბრე - გაგვეზარდა ევროპის დემოკრატიის ფონდის ბიუჯეტი. მაგრამ [ჩეხეთის საგარეო საქმეთა] მინისტრმა ლიპავსკიმ ამ ორი გამოცემის შეძენაზეც კი ილაპარაკა. ჩვენ განხილვის ეტაპზე ვართ მაგრამ ცხადია, ესაა ორი ღირებული ინსტიტუტი, რომელთა მისიაც უნდა გაგრძელდეს", - თქვა პოლონეთის საგარეო საქმეთა მინისტრმა რადიო თავისუფალი ევროპა/რადიო თავისუფლებისა და...