55
„ველოდებით განჩინების ჩაბარებას. სასამართლოს გადაწყვეტილებით მოხდა დაყადაღება. რომ წავიკითხავთ, შემდეგ გვეცოდინება დეტალები“, - უთხრა რადიო თავისუფლებას ორგანიზაციის წარმომადგენელმა ნათია თავბერიძემ.ჟურნალისტი ნანუკა ჟორჟოლიანი, რომლის დაფუძნებულიც არის „ნანუკას ფონდი“, ფეისბუკში წერს, რომ დაყადაღებულია კიდევ ერთი ფონდის - „ფროსფერითი ჯორჯიას“ - საბანკო ანგარიშებიც. три სამივე ორგანიზაცია ბოლო პერიოდში მეტწილად ორიენტირებული იყო პროევროპული აქციების მონაწილეთა დახმარებაზე. ისინი მოქალაქეებს ეხმარებოდნენ პოლიციის გამოწერილი და სასამართლოს დაკისრებული სოლიდური ჯარიმების გადახდაში.მოგვიანებით პროკურატურის პრესსამსახურმა გამოაქვეყნა განცხადება, რომლიდანაც ირკვევა, რომ პროკურატურის მოთხოვნის საფუძველზე ყადაღა დაედო ხუთი ორგანიზაციის ანგარიშებს, საბოტაჟისა და მტრულ საქმიანობაში დახმარების კვალიფიკაციით აღძრული საქმის ფარგლებში. პროკურატურამ ეს გამოძიება 2024 წლის 10 ივლისს დაფუძნებული„ერთიანი ნეიტრალური საქართველოს“ მიმართვის შემდეგ დაიწყო - ეს მოძრაობა ხშირად იმეორებს მმართველი პარტიის, „ქართული ოცნების“ გზავნილებს.დაყადაღდა შემდეგი ორგანიზაციების ანგარიშები:საქველმოქმედო ფონდი „ნანუკას ფონდი“;საქველმოქმედო ფონდი „ფროსფერითი“;საქველმოქმედო ფონდი „ფონდი ერთმანეთისთვის 24/7“;არასამთავრობო ორგანიზაცია „სირცხვილია“;არასამთავრობო ორგანიზაცია „თბილისის ადამიანის უფლებათა სახლი“.ამ არასამთავრობო და საქველმოქმედო ორგანიზაციებს აქციებისთვის საჭირო ინვენტარის შეძენას და აქციებზე დაკავებული ადამიანების ოჯახების დახმარებას ედავებიან, რაც კვალიფიცირებული აქვთ, როგორც „კანონსაწინააღმდეგო და დანაშაულებრივი ქმედების ჩამდენი პირების წახალისება“.პროკურატურა წერს, რომ ამ ორგანიზაციებიდან გადარიცხული თანხების დანიშნულებაში მითითებული იყო „აქციის საჭირო აღჭურვილობისთვის“, „რაც საჭიროა ბრძოლისთვის“, „აქციებისთვის ინვენტარის შეძენა“, „პიროტექნიკის შესაძენად“, „აირწინაღის შეძენა წინახაზის ბავშვებისთვის“ და სხვა.„კონკრეტული ფონდების ორგანიზაციული და ფინანსური საქმიანობა მიმართულია სამართალდამრღვევი პირების და მათი ოჯახის წევრებისთვის მატერიალური დახმარების უზრუნველსაყოფად. ხდება სამართალდამრღვევი პირების სასარგებლოდ ჯარიმების გადახდა და სხვა სახის პირადი თუ ორგანიზაციული საკითხების გადაწყვეტა“, - წერს პროკურატურა განცხადებაში. ასევე ნახეთ აქციის მონაწილეთა დახმარების გამო პროკურატურის მოთხოვნით ხუთი ორგანიზაციის ანგარიშები დააყადაღეს 2024 წლის 28 ნოემბრის შემდეგ 100 დღეზე მეტია გასული - ამ დროის განმავლობაში არ წყდება დემონსტრაციები ახალი არჩევნების ჩატარების მოთხოვნით. ხალხმრავალი აქციები გამოიწვია „ქართულ ოცნებაში“ მიღებულმა გადაწყვეტილებამ, რომლის მიხედვითაც, „20...
