წინადადების ავტორია ავთანდილ კახნიაშვილი, რომელიც „ქართული ოცნების“ პარლამენტის თავმჯდომარეს, შალვა პაპუაშვილს, სწერს, რომ სასამართლო სხდომების გაშუქებისას ხდება სამართალდამცავი ორგანოების დისკრედიტაცია.სასამართლო სხდომებზე ფოტო და ვიდეოგადაღების შეზღუდვის აუცილებლობაზე საუბრისას, ავთანდილ კახნიაშვილი იხსენებს პროევროპულ აქციებზე დაკავებული 11 ბრალდებულის პროცესის გაშუქებას - „11-მა ბრალდებულმა, ფაქტობრივად, აბუჩად აიგდო მოსამართლეც და პროკურორებიც“.„თავი ვალდებულად ჩავთვალე, პარლამენტისთვის რეაგირებისთვის მომემართა. მით უმეტეს, რომ ქვეყანაში საზოგადოებრივ-პოლიტიკური ვითარება არსებითად არის შეცვლილი“, - წერს ის.სხდომებზე, რომლებიც პროევროპულ აქციებზე დაკავებული ადამიანების წინააღმდეგ თბილისის საქალაქო სასამართლოში იმართება, ბრალდებულები მათთვის მიცემულ სიტყვაში ამბობენ, რამდენად აბსურდულია მათ წინააღმდეგ წაყენებული ბრალი და როგორ იყენებს „ქართული ოცნება“ ხელისუფლების შტოებს საკუთარი ინტერესებისთვის. ამბის თხრობის დროს ისინი მიმართავენ ალეგორიასაც. три „ნაციონალური მოძრაობის“ ხელისუფლების შეცვლის პირველივე წელს ჟურნალისტებისთვის სასამართლო პროცესებზე ფოტო და ვიდეოგადაღების უფლების მიცემას ავთანდილ კახნიაშვილი „გაუმართლებელ ნაბიჯს“ უწოდებს:„ამ აშკარად პოპულისტური ქმედებების ნეგატიური შედეგი მალევე ნათლად გამოჩნდა, თუნდაც შინაგან საქმეთა ყოფილი მინისტრისა [ვანო მერაბიშვილის] და თბილისის ყოფილი მერის [გიგი უგულავას] ბრალდების საქმეების გაშუქებისას, როდესაც განსასჯელები პირდაპირ ეთერში აკეთებდნენ პოლიტიკურ განცხადებებს და შეურაცხყოფას აყენებდნენ ხელისუფლების სამივე შტოს“.სასამართლოებში ფოტო და ვიდეოგადაღება ჟურნალისტებისთვის „ნაციონალური მოძრაობის“ ხელისუფლებაში ყოფნის დროს, 2007 წლის ივლისში აიკრძალა. კანონმდებლობა 2012 წლის ივნისში კიდევ უფრო გამკაცრდა - ამავე პარტიის გადაწყვეტილებით, აიკრძალა სასამართლოს შენობაში ტელეფონებისა და ჩაწერის ფუნქციის მქონე სხვა ტექნიკური საშუალებების შეტანაც.„ქართული ოცნების“ ხელისუფლებაში მოსვლის პირველივე თვეებში, 2013 წლის მარტში, „საერთო სასამართლოების შესახებ“ კანონში ცვლილებები შევიდა - მოსამართლის თანხმობით შესაძლებელი გახდა სასამართლო სხდომების ფოტო და ვიდეოგადაღება. ...