რუსეთის ჯარებმა უკრაინაზე უპილოტო საფრენი აპარატებით მორიგი შეტევა მიიტანეს. დაზიანებულია სახლები და სხვა შენობები.უკრაინის საჰაერო ძალების სარდლობის მიერ დღეს, 17 მარტს, დილით გამოქვეყნებული მონაცემებით, ღამის განმავლობაში რუსეთმა გამოიყენა სხვადასხვა ტიპის 174 დრონი.სარდლობის თანახმად, საჰაერო და თავდაცვის ძალების ქვედანაყოფებმა 90 ე.წ. დამრტყმელი უპილოტო საფრენი აპარატი ჩამოაგდეს ხარკოვის, კიევის, პოლტავის, სუმის, კიროვოგრადის, ჩერნიგოვის, ჩერკასის, დნეპროპეტროვსკის, ზაპოროჟიესა და ოდესის ოლქებში, ხოლო 70 „უპილოტო-იმიტატორი ლოკალურად დაიკარგა ნეგატიური შედეგების გარეშე“. ასევე ნახეთ რუსეთი მოითხოვს „რკინაბეტონის გარანტიებს“, მათ შორის უკრაინის „ნეიტრალურ სტატუსს“ უკრაინის ოლქების სამხედრო და სამოქალაქო ადმინისტრაციების მონაცემებით:ოდესის ოლქში დაზიანებულია კერძო სახლი, საბავშვო ბაღი, საწყობი და მაღაზია, დაშავდა ერთი ადამიანი.რუსული დრონით დარტყმის შედეგად ხარკოვის ოლქში ხანძარი გაუჩნდა ერთ-ერთ საწარმოს.სახლები დაზიანდა დნეპროპეტროვსკის და კიევის ოლქებში.რუსული დრონებით შეტევის შედეგად ელექტროენერგიის მიწოდება შეუწყდა პოლტავის ოლქის კრემენჩუგის რაიონს. ასევე ნახეთ რუბიო: „გეგმა ა“ უკრაინა-რუსეთს შორის სროლის შეწყვეტა, „გეგმა ბ“ - მოლაპარაკების დაწყება ...