ჩრდილოეთ მაკედონიაში პოლიციამ 10 ეჭვმიტანილი დააკავა ქალაქ კოჩანის ღამის კლუბში მომხდარი ხანძრის გამო, რომელსაც 60-მდე ადამიანის სიცოცხლე ემსხვერპლა.ადგილობრივი მედიის ინფორმაციით, დაკავებულთა შორისაა კლუბის მფლობელი. BBC პროკურატურაზე დაყრდნობით წერს, რომ პოლიციამ დააკავა ღამის კლუბისთვის ლიცენზიის გამცემი ჩინოვნიკებიც.კლუბში, სადაც ადგილობრივი პოპულარული ჯგუფის კონცერტი მიმდინარეობდა, ხანძარი 16 მარტს, ადგილობრივი დროით ღამის სამის ნახევრისთვის გაჩნდა. არსებული ინფორმაციით, ხანძარი პიროტექნიკის სროლამ გამოიწვია.17 მარტის დილის მონაცემებით, დაიღუპა 59 და დაშავდა 155 ადამიანი. დაღუპულთა უმრავლესობა 18-20 წლის იყო. დაშავებულთაგან 18-ის მდგომარეობა კრიტიკულია. ასევე ნახეთ თურქეთში გლოვის დღეა სამთო კურორტზე მომხდარი ტრაგედიის გამო გამოძიების პირველადი შედეგებით, ღამის კლუბის ჭერი იოლად აალებადი მასალის იყო, შენობას ჰქონდა მხოლოდ ერთი ღია გასასვლელი და დაცული არ იყო ხანძარსაწინააღმდეგო სხვა ზომებიც.კლუბში მყოფთა მიერ გადაღებულ ვიდეოებზე ჩანს, რომ ხალხი თავად ცდილობდა ცეცხლის ჩაქრობას და შენობის დატოვებას არ ჩქარობდა. მოწმეთა თანახმად, მას შემდეგ, რაც ხანძრის გაძლიერების გამო კლუბის დატოვება დაიწყეს, ჭყლეტაც მოხდა.ჩრდილოეთ მაკედონიის ხელისუფლებამ ქალაქ კოჩანის ღამის კლუბში მომხდარი ტრაგედიის გამო 7-დღიანი ეროვნული გლოვა გამოაცხადა. ...