ბელგრადის ცენტრის ქუჩებში ათი ათასობით მოქალაქე გავიდა სტუდენტების ხელმძღვანელობით მიმდინარე საპროტესტო დემონსტრაციების მასშტაბურ აქციასთან შესაერთებლად. დემონსტრანტები მოითხოვენ სერბეთის პრეზიდენტის, ალექსანდარ ვუჩიჩის მთავრობის ანგარიშვალდებულების დაყენებას გასული წლის ნოემბერში ნოვი-სადში მომხდარ ტრაგედიაზე, როცა რკინიგზის სადგურთან ბეტონის საფარის ჩამონგრევის შედეგად 15 ადამიანი დაიღუპა.დემონსტრანტებს 15 მარტს ეჭირათ დროშები და პლაკატები, ისინი რამდენიმე ადგილას შეჩერდნენ და ბოლოს პარლამენტის შენობის წინ მოიყარეს თავი.ნოვი სადში მომხდარი უბედური შემთხვევის შემდეგ დაწყებული სტუდენტური აქციები გადაიზარდა უფრო ფართო მოძრაობაში, რომელიც აკრიტიკებს ვუჩიჩის პირობებში კანონის უზენაესობის სისუსტეს და სისტემურ კორუფციას. ვუჩიჩი 2017 წლიდანაა პრეზიდენტი, მანამდე ის პრემიერ-მინისტრის თანამდებობას იკავებდა. ასევე ნახეთ სერბეთის პარლამენტში ოპოზიციის წარმომადგენლებმა მასობრივი არეულობა მოაწყვეს ...