უნგრეთის პრემიერ-მინისტრმა ვიქტორ ორბანმა 15 მარტს პირობა დადო, რომ ზეწოლას განახორციელებს პოლიტიკოსებსა და ჟურნალისტებზე, რომლებიც უცხოეთიდან ფინანსდებიან. ამასთან, ორბანმა კიდევ ერთხელ გამორიცხა ევროკავშირის წევრობის პერსპექტივა უკრაინისთვის. ამ განცხადებებით ორბანმა გაააქტიურა თავისი კამპანია გაისისთვის დანიშნული არჩევნებისთვის - წერს სააგენტო როიტერსი.ბუდაპეშტში უნგრეთის ეროვნული დღის აღსანიშნავ ღონისძიებაზე გამოსვლისას ორბანმა თქვა, რომ დადგა დრო აღმოიფხვრას აშშ-ისგან და ბრიუსელისგან დაფინანსებული ენჯიოების, ჟურნალისტების, მოსამართლეების და პოლიტიკოსების "ჩრდილოვანი არმია". ორბანს მხედველობაში ჰქონდა თავისი გეგმა, ზეწოლა განხორციელდეს არასამთავრობო ორგანიზაციებსა და მედიასაშუალებებზე, რომლებიც დაფინანსებას იღებდნენ აშშ-ის საერთაშორისო განვითარების სააგენტოდან (USAID) და მილიარდერ ჯორჯ სოროსის ფონდიდან."დღევანდელი ზეიმის შემდეგ დგება დიდი სააღდგომო წმენდა, რადგან მწერები ზამთარს გადაურჩნენ" - თქვა ორბანმა. "ჩვენ აღმოვფხვრით მთელს ჩრდილოვან არმიას... [იმათი, ვინც] იმპერიას უჭერდა მხარს ფულისთვის, მათი ქვეყნის საწინააღმდეგოდ" - განაცხადა ორბანმა. მის სიტყვებს როიტერსი ავრცელებს.ორბანი, რომელიც აშშ-ის პრეზიდენტ დონალდ ტრამპის მოკავშირეა, დგას ინფლაციის პრობლემის წინაშე, ეკონომიკის ზრდა შენელებულია, ხოლო ახალი ოპოზიციური პარტიის მხარდაჭერა მატულობს, რაც მის 15-წლიან მმართველობას მნიშვნელოვან გამოწვევას უქმნის.ტრამპის გადაწყვეტილებამ, 90 დღით გაეყინა USAID-სთვის გამოყოფილი დაფინანსება და დაეთხოვა სააგენტოს თანამშრომელთა უმრავლესობა, კიდევ უფრო გააძლიერა ორბანის მხრიდან ზეწოლა უცხოეთის მიერ დაფინანსებულ მედიასა და არასამთავრობო ორგანიზაციებზე.ორბანი გასულ თვეში აცხადებდა, რომ უნგრეთი შეიმუშავებს კანონპროექტს ეროვნული სუვერენიტეტის დასაცავად და გამოავლენს უცხოეთის დაფინანსებას, რომელიც უნგრეთის მედიას მიემართება.მიმდინარე კვირაში ორბანის პარტია Fidesz-მა წარადგინა საკონსტიტუციო ცვლილებები, რომლებშიც ლაპარაკია ორმაგი მოქალაქეობის მქონე პირების გაძევებაზე იმ შემთხვევაში, თუკი დადგინდება, რომ ისინი უნგრეთის სუვერენიტეტს უქმნიან საფრთხეს - წერს როიტერსი.ოპოზიციური პარტია Tisza, რომელსაც სათავეში უდგას Fidesz-ის ყოფილი გავლენიანი წევრი პეტერ მადიარი, უნგრეთის პოლიტიკურ სივრცეში ერთი წლის წინ გამოჩნდა. ეს პარტია 15 მარტს მართავს აქციას, რომელსაც, გავრცელებული მოლოდინით, ათი ათასობით მოქალაქე შეუერთდება.ორბანმა, რომელიც უკრაინაში რუსეთის შეჭრის შემდეგ უარს აცხადებს კიევისთვის იარაღის გაგზავნაზე და რომელმაც რუსეთთან ახლო კავშირები შეინარჩუნა, კიდევ ერთხელ გააკრიტიკა ბრიუსელი უკრაინისთვის სამხედრო დახმარების მიწოდების გაგრძელებისთვის, იმ...