მათ შორისაა აშშ-ის გლობალური მედიის სააგენტო (USAGM), რომელიც ზედამხედველობას უწევს რადიო თავისუფალ ევროპა/რადიო თავისუფლებას (RFE/RL) და სხვა ფედერალურ მაუწყებლებს.ბრძანება, რომელსაც 14 მარტის საღამოს მოეწერა ხელი, ასევე მიემართება სააგენტოებს, რომლებიც მუშაობენ უსახლკარობის პრობლემაზე, შრომით დავებზე და სათემო განვითარებაზე."ამ ბრძანების თარიღიდან 7 დღეში, ყოველი დასახელებული სამთავრობო უწყების ხელმძღვანელმა ანგარიში უნდა წარუდგინოს მენეჯმენტისა და ბიუჯეტის ოფისის დირექტორს, დაადასტუროს ამ ბრძანებასთან სრული თანხვედრა და ახსნას, ამ სამთავრობო უწყების რომელი კომპონენტები ან ფუნქციები - თუკი ასეთები არსებობს - არის კანონით მოთხოვნილი და რა მასშტაბითაა ასე", - წერია ბრძანებაში.აღმასრულებელი ბრძანების გამოქვეყნებიდან რამდენიმე საათში მედიით გავრცელდა USAGM-ის წერილი - რომ გაუქმდა კონგრესის მიერ დამტკიცებული გრანტი, რომლითაც რადიო თავისუფალი ევროპა/რადიო თავისუფლება ფინანსდება. წერილს ხელს აწერს კერი ლეიკი, რომელიც საკუთარ პოზიციას წარმოადგენს როგორც USAGM-ის მოქმედი აღმასრულებელი დირექტორის მაღალი რანგის მრჩეველი, რომელსაც უფლებამოსილება აღმასრულებელი დირექტორის მოვალეობის შემსრულებლისგან აქვს მინიჭებული. ლეიკი პრეზიდენტმა ტრამპმა დაასახელა ამერიკის ხმის დირექტორად, თუმცა მისი კანდიდატურა დამტკიცებას საჭიროებს საერთაშორისო მაუწყებლობის მრჩეველთა საბჭოს მხრიდან. ჟურნალისტთა დაცვის კომიტეტმა (CPJ) აშშ-ის კონგრესის ლიდერებს მიმართა მოწოდებით დაიცვან USAGM-ი ტრამპის ბრძანებისგან. "აღმაშფოთებელია, რომ თეთრი სახლი ცდილობს გამოშიგნოს კონგრესის მიერ დაფინანსებული სააგენტო, რომელიც მხარს უჭერს დამოუკიდებელ ჟურნალისტიკას - ეს ჟურნალისტიკა გამოწვევას უქმნის ავტორიტარული რეჟიმების ნარატივებს, მთელ მსოფლიოში" - წერს CPJ-ის პროგრამების დირექტორი კარლოს მარტინეს დე ლა სერნა 15 მარტის განცხადებაში. "კონგრესის ლიდერებს მოვუწოდებთ დაიცვან ეს კრიტიკული [მნიშვნელობის] სააგენტო, რომელიც ცენზურისგან თავისუფალ ახალ ამბებს აწვდის ქვეყნებს, სადაც პრესა შეზღუდულია" - წერს ის. USAGM აშშ-ის მთავრობის დამოუკიდებელი სააგენტოა, ის ზედამხედველობს ახალი ამბებისა და ინფორმაციის მაუწყებლობას, რომელიც 50-მდე ენაზე ვრცელდება და ყოველკვირეულად 361 მილიონამდე ადამიანამდე აღწევს.2025 ფისკალური წლისთვის USAGM-ისთვის მოთხოვნილი ბიუჯეტი შეადგენდა 950 მილიონ დოლარს, რითაც უნდა დაფინანსდეს ყველა მისი მოქმედება და კაპიტალდაბანდებები. ეს მოიცავს მედიასაშუალებებს - RFE/RL-ს, ამერიკის ხმას, რადიო თავისუფალ აზიას, კუბის მაუწყებლობის ოფისს, ახლო აღმოსავლეთის სამაუწყებლო ქსელებს და ღია ტექნოლოგიის ფონდს.ტრამპს, რომელმაც, იანვარში პრეზიდენტობის მეორე ვადის დაწყების შემდეგ არაერთი...