თბილისში, კახეთის გზატკეცილზე აშენებული ახალი შენობა პარტიის საკუთრებას 2010 წლიდან წარმოადგენდა. ენმ-ის განმარტებით, ოფისის გაყიდვის მიზეზი, ერთი მხრივ, პარლამენტში მანდატებზე უარის თქმის შემდეგ საბიუჯეტო დაფინანსების მოხსნის შედეგად გამოწვეული ფინანსური სირთულეებია, მეორე მხრივ, კი სურვილი, პარტიის ოფისი, რაც შეიძლება მეტი მოქალაქისთვის იყოს ხელმისაწვდომი და ადვილად მისასვლელი. три "ერთიანმა ნაციონალურმა მოძრაობამ" 2024 წლის 26 ოქტომბერს ჩატარებულ არჩევნებში, რომელსაც გაყალბებულად მიიჩნევს როგორც ოპოზიცია, ასევე საზოგადოების და საერთაშორისო პარტნიორების მნიშვნელოვანი ნაწილი, 10,17 % მიიღო, რაც პარლამენტში 16 მანდატს ნიშნავდა. ამ დრომდე ყველა ის ოპოზიციური პარტია, რომელმაც 5%-იანი საარჩევნო ბარიერი გადალახა, უარს ამბობს მათი აღქმით, მიტაცებული არჩევნების შედეგად შეკრებილ პარლამენტში შესვლაზე. საქართველოს მოქალაქეები უწყვეტი პროტესტით ითხოვენ ახალ არჩევნებს და იმ აქტიური მოქალაქეების გათავისუფლებას, ვინც პროტესტში მონაწილეობდა და სხვადასხვა ბრალდებით დააკავეს ანტისახელისუფლებო აქციების პარალელურად. ...