„ცნობები კურსკის რეგიონში მტრის მიერ უკრაინული შენაერთების სავარაუდო „ალყის“ შესახებ მცდარია და რუსების მიერაა შეთითხნილი პოლიტიკური მანიპულაციის, ასევე, უკრაინასა და მის პარტნიორებზე ზეწოლის მიზნით“, - წერია უკრაინის გენშტაბის განცხადებაში.„ვითარება ძირითადად უცვლელია გასული დღის შემდეგ. საბრძოლო მოქმედებები კურსკის ოპერატიული ზონაში გრძელდება“, - აცხადებს უწყება. ასევე ნახეთ ტრამპის თქმით, პუტინს „მტკიცედ სთხოვა“, გარშემორტყმული უკრაინელი მეომრები დაინდოს ამავე განცხადების თანახმად, უკრაინის თავდაცვის ძალების ქვედანაყოფები „წარმატებით გადაჯგუფდნენ“, „იქნენ გაყვანილნი უფრო ხელსაყრელ თავდაცვით პოზიციებზე და ასრულებენ დაკისრებულ ამოცანებს კურსკის რეგიონში“.„ჩვენი ჯარისკაცები ეფექტურად იგერიებენ მტრის შეტევას და აყენებენ მნიშვნელოვან ზარალს ყველა არსებული იარაღის სისტემის გამოყენებით“, - ვკითხულობთ განცხადებაში.ამავე ცნობებით, დღეს „კურსკის მიმართულებით 13 საბრძოლო შეტაკება მოხდა“ და უკრაინული ქვედანაყოფების „ალყაში მოქცევის საფრთხე არ არსებობს“. три ამ განცხადებას წინ უძღოდა აშშ-ის პრეზიდენტის, დონალდ ტრამპის განცხადება რუსეთის პრეზიდენტ ვლადიმირ პუტინთან მოლაპარაკებების შესახებ.კერძოდ, ტრამპმა განაცხადა, რომ პრეზიდენტ ვლადიმირ პუტინს „მტკიცედ სთხოვა“, რომ დაინდოს რუსეთის ჯარების მიერ „მთლიანად გარშემორტყმული“ უკრაინელი ჯარისკაცების სიცოცხლე. ასევე ნახეთ ახალი იერიშები და სუჯის ცენტრში შეჭრა - როგორ „უპასუხებს“ რუსეთი ცეცხლის შეწყვეტის წინადადებას „ჩვენ გუშინ ძალიან კარგი და პროდუქტიული მოლაპარაკებები გვქონდა რუსეთის პრეზიდენტ ვლადიმირ პუტინთან და ძალიან კარგი შანსია, რომ ეს საშინელი, სისხლიანი ომი საბოლოოდ დასრულდეს“, - დაწერა 14 მარტს დონალდ ტრამპმა თავის სოციალურ ქსელში, Truth Social-ში.„მაგრამ ამწუთას ათასობით უკრაინელი ჯარისკაცი გარშემორტყმულია რუსეთის ჯარის მიერ და ძალიან ცუდ და მოწყვლად მდგომარეობაში არიან“, - წერს დონალდ ტრამპი. მას არ დაუზუსტებია, რომელ ტერიტორიას გულისხმობს. დონალდ ტრამპი და ვლადიმერ პუტინი. 2018 წლის 16 ივლისის ფოტო „მტკიცედ ვთხოვე პრეზიდენტ პუტინს, დაინდოს ისინი. ეს იქნება საშინელი ხოცვა-ჟლეტა, რაც მეორე მსოფლიო ომის შემდეგ არ გვინახავს. უფალმა დაიფაროს ყველა მათგანი“, - წერს შეერთებული შტატების პრეზიდენტი.მცირე ხნით ადრე დონალდ ტრამპის მრჩეველმა სტივ ვიტკოფმა განაცხადა, რომ ტრამპის ადმინისტრაცია „ფრთხილი ოპტიმიზმითაა“ განწყობილი საუდის არაბეთში უკრაინის დელეგაციასთან გამართული ბოლო შეხვედრის, ასევე, ვლადიმირ პუტინის ბოლო განცხადების შემდეგ.ჯედაში გამართული მოლაპარაკებების შედეგად, უკრაინა 30-დღიან ზავზე თანახმაა. აშშ ახლა ამბობს, რომ ჯერი რუსეთზეა, თუმცა კრემლი ჯერჯერობით თავს იკავ...