„ჩვენ გუშინ ძალიან კარგი და პროდუქტიული მოლაპარაკებები გვქონდა რუსეთის პრეზიდენტ ვლადიმირ პუტინთან და ძალიან კარგი შანსია, რომ ეს საშინელი, სისხლიანი ომი საბოლოოდ დასრულდეს“, - დაწერა 14 მარტს დონალდ ტრამპმა თავის სოციალურ ქსელში, Truth Social-ში.„მაგრამ ამ წუთას ათასობით უკრაინელი ჯარისკაცი გარშემორტყმულია რუსეთის ჯარის მიერ და ძალიან ცუდ და მოწყვლად მდგომარეობაში არიან“, - წერს დონალდ ტრამპი. მას არ დაუზუსტებია, რომელ ტერიტორიას გულისხმობს.„მტკიცედ ვთხოვე პრეზიდენტ პუტინს, დაინდოს ისინი. ეს იქნება საშინელი ხოცვა-ჟლეტა, რაც მეორე მსოფლიო ომის შემდეგ არ გვინახავს. უფალმა დაიფაროს ყველა მათგანი“, - წერს შეერთებული შტატების პრეზიდენტი.განახლება: „ცნობები კურსკის რეგიონში მტრის მიერ უკრაინული შენაერთების სავარაუდო „ალყის“ შესახებ მცდარია და რუსების მიერაა შეთითხნილი პოლიტიკური მანიპულაციის, ასევე, უკრაინასა და მის პარტნიორებზე ზეწოლის მიზნით“, - განაცხადა მოგვიანებით უკრაინის შეიარაღებული ძალების გენერალურმა შტაბმა. ასევე ნახეთ უკრაინელები ალყაში არ არიან - აცხადებს უკრაინის გენშტაბი ტრამპის განცხადების შემდეგ ტრამპის განცხადებამდე მცირე ხნით ადრე დონალდ ტრამპის მრჩეველმა სტივ ვიტკოფმა განაცხადა, რომ ტრამპის ადმინისტრაცია „ფრთხილი ოპტიმიზმითაა“ განწყობილი საუდის არაბეთში უკრაინის დელეგაციასთან გამართული ბოლო შეხვედრის, ასევე, ვლადიმერ პუტინის ბოლო განცხადების შემდეგ.ჯედაში გამართული მოლაპარაკებების შედეგად, უკრაინა 30-დღიან ზავზე თანახმაა. აშშ ახლა ამბობს, რომ ჯერი რუსეთზეა, თუმცა კრემლი ჯერჯერობით თავს იკავებს მკაფიო პოზიციის გამოხატვისგან. პარალელურად, ევროპელი ლიდერები მსჯელობენ უკრაინის ახალ უსაფრთხოების არქიტექტურაზე. ასევე ნახეთ უკრაინა სამშვიდობო შეთანხმებას დასთანხმდა - რა იქნება ახლა? 13 მარტს რუსეთის პრეზიდენტმა ვლადიმირ პუტინმა განაცხადა, რომ რუსეთი თანახმაა უკრაინაში შეწყდეს ცეცხლი, მაგრამ იმგვარად, რომ აღმოიფხვრას კრიზისის ძირეული მიზეზები.პუტინის პასუხი შეკითხვაზე, თუ როგორ აფასებს უკრაინის მზადყოფნას ცეცხლის შეწყვეტისთვის, ასეთი იყო:„თანახმა ვართ შეწყდეს საბრძოლო მოქმედება, მაგრამ ეს წინადადება უნდა იყოს იმგვარი, რომ მოიტანოს ხანგრძლივი მშვიდობა და აღმოფხვრას“ ომის „ძირეული მიზეზები", - თქვა პუტინმა ერთობლივ პრესკონფერენციაზე, რომელიც მან ბელარუსის მმართველ ალიაქსანდრ ლუკაშენკასთან ერთად გამართა და რომელზეც მან მადლიერების სიტყვები გამოთქვა აშშ-ის პრეზიდენტ დონალდ ტრამპისადმი. ასევე ნახეთ პუტინი: ვეთანხმებით ცეცხლის ისეთ შეწყვეტას, რომელიც აღმოფხვრის კრიზისის ძირეულ მიზეზებს პუტინის განცხადებას უკრაინის პრეზიდენტი ვოლოდიმირ ზელენსკიც გამოეხმაურა - მისი შეფასებით პუტინისგან მოისმინა „ძა...