კომისიის ანგარიშში წერია, რომ ისრაელი ღაზის სექტორში ომის დროს მიმართავდა “სექსუალური, რეპროდუქციული და გენდერული საფუძვლის ძალადობას”.ანგარიშის თანახმად, პალესტინელებს აიძულებდნენ საჯაროდ გაშიშვლებას: ეს ნაწილობრივ ხდებოდა სამხედრო და სამოქალაქო მეთაურების ბრძანებით ან თანხმობით.კომისიის თავმჯდომარე ნავი პილაი ლაპარაკობს ჩაგვრის სისტემაზე, რათა კიდევ უფრო დასამარდეს პალესტინელთა თვითგამორკვევის უფლება.ჟენევაში ისრაელის ელჩმა ბრალდება უარყო. მისი თქმით, კომისია მიკერძოებულია და ისრაელს განზრახ უყენებს უფრო დაბალ სტანდარტებს, ვიდრე კონფლიქტის სხვა მონაწილეებს.ისრაელის და პალესტინელთა კონფლიქტის შესახებ გაეროს ფაქტების დამდგენი მუდმივმოქმედი კომისია 2021 წლიდან მოქმედებს.ამ ანგარიშში მოყვანილ ფაქტებზე მისი წევრები ესაუბრნენ მსხვერპლსა და თვითმხილველებს. ისრაელის წარმომადგენლებს რეაგირება კომისიის შეკითხვაზე არ ჰქონიათ. კომისიის ანგარიში შეიცავს ასევე ფოტო_ და ვიდეო-მასალის ანალიზს. ასევე ნახეთ აშშ-მა ისრაელისთვის სამი მილიარდი დოლარის ღირებულების შეიარაღების მიყიდვა დაამტკიცა ...