სასამართლომ ამავე საქმეზე ბრალდებულ თეიმურაზ ჯანაშიას, - სახელმწიფო დაცვის სპეციალური სამსახურის ყოფილ უფროსს, - ჯარიმა მიუსაჯა 300 000 ლარის ოდენობით.დაცვის მხარე, - ასევე, ყოფილი მმართველი პარტია „ნაციონალური მოძრაობა“ და სხვა არაერთი ოპოზიციური ჯგუფი, - საქმეს და ამ გადაწყვეტილებასაც პოლიტიკურად მოტივირებულად მიიჩნევს.„9-წლიანი პატიმრობა“ბრალდება, რაც სააკაშვილსა და ჯანაშიას ჰქონდათ 9 მილიონი ლარის „ჯგუფურ გაფლანგვის“ საქმეზე წარდგენილი, 7-დან 11 წლამდე პატიმრობას ითვალისწინებდა.საქმე, რასაც მედიაში ხშირად „პიჯაკების საქმეს“ უწოდებდნენ, ითვალისწინებდა დიდი რაოდენობით საბიუჯეტო თანხების ჯგუფურად გაფლანგვას.მოსამართლემ 12 მარტს განაჩენის გამოცხადებისას ჯერ განაცხადა, რომ ჯანაშიას „გაფლანგვა“ არ იკვეთება, შესაბამისად, საქმეში „ჯგუფურობა“ არ ჩანდა, ამიტომ ეს ბრალდება „ზედმეტად წარდგენილ“ ბრალდებად ჩათვალა.თუმცა განაცხადა, რომ სააკაშვილმა თანხა „გაფლანგა“, ხოლო ჯანაშიამ „სამსახურებრივი მდგომარეობა გამოიყენა საჯარო ინტერესების საწინააღმდეგოდ“.საბოლოოდ, მან მიხეილ სააკაშვილს 9-წლიანი პატიმრობა მიუსაჯა, ხოლო ჯანაშიას - 300 000 ლარის ოდენობის ჯარიმა. თემურ ჯანაშია 2030 წლამდე ციხეშისააკაშვილს ამჟამად 6-წლიანი პატიმრობა აქვს მისჯილი. 2021 წლის 1 ოქტომბრის, - საქართველოში ფარულად შემოსვლისა და დაკავების შემდეგ ის პატიმრობაშია. ამჟამად - კლინიკა „ვივამედში“ მკურნალობს.მოსამართლის განმარტებიდან გამომდინარეობს, რომ სააკაშვილს დარჩენილი სამი წლისა და ექვსი თვის ნაცვლად, კიდევ ექვსი წელი და ექვსი თვე მოუწევს პატიმრობაში ყოფნა.შესაბამისად, თუკი არსებული ვითარება არ შეიცვალა, სააკაშვილის 2030 წლამდე მოუწევს პატიმრობაში ყოფნა.„ბიძინას მონა“ - ხმაური სასამართლოშიგანაჩენის გამოცხადებას დამსწრეთა პროტესტი და შეძახილები მოჰყვა.„ბიძინას მონა“, - ასე უწოდეს მათ მოსამართლეს.მოსამართლემ სხდომის დასაწყისშივე თქვა, რომ „წესრიგის დარღვევის“ შემთხვევაში მათ გააძევებდა.რამდენიმე ადამიანი, მათ შორის ზვიად კუპრავა, დარბაზიდან გააძევეს. მოსამართლე ბადრი კოჭლამაზიშვილი მოსამართლე კოჭლამაზიშვილმა განაჩენის სარეზოლუციო ნაწილის წაკითხვამდე თქვა, რომ ვერ დაეთანხმება დაცვის მხარის პოზიციას, თითქოს ბრალდებაში ნახსენები ხარჯები „იყო პირადი ხარჯები“, და განაცხადა:„როდესაც საქმეში წარმოდგენილია ასეულობით ათასი ლარის ხარჯი კოსმეტოლოგიური მომსახურებისათვის, რაც ჩატარებულია საზღვარგარეთი წამყვან კლინიკებში, ამ ხარჯების დაკავშირება ოკუპირებული ტერიტორიების არაღიარების პოლიტიკასთან, შეუძლებელია“.„საქმეში წარმოდგენილია ასევე, მაგალითად, იმდროინდელი პრეზიდენტის შვილების სწავლების საფასურის გადახდის დამადასტურებელი დოკუმენტაცია, რაც ბიუჯეტს დაუჯდა 60 000 ლარამდე. ეს ხარჯიც ვერ ჩაითვლება...