„მოვუწოდებ De Facto ხელისუფლებას, ჩემს საქმესთან დაკავშირებული „სასამართლოს“ განაჩენის გამოცხადება გადაიტანონ ჩემი ავადმყოფობის გამო, რასაც დაგიდასტურებენ ჩემი მკურნალი ექიმები, ვინაიდან მაქვს სურვილი ვესწრებოდე აღნიშნულ სხდომას“, - წერს სააკაშვილი ფეისბუკზე.„ნაციონალური მოძრაობის“ განცხადებით, სასამართლო 12 მარტსაა დანიშნული.რას ამბობენ „ვივამედში“?რადიო თავისუფლება დაუკავშირდა „ვივამედის“ კლინიკურ დირექტორ ზურაბ ჩხაიძეს ამ საკითხზე ინფორმაციის მისაღებად. კითხვაზე, მიხეილ სააკაშვილი მართლაც არის თუ არა ავად, როგორც წერს, გვიპასუხა:„ავად რომ არ იყოს, არ იქნებოდა კლინიკაში“, - გვითხრა ზურაბ ჩხაიძემ.კითხვაზე, როდის შეიძლება ექსპრეზიდენტი იყოს იმ მდგომარეობაში, რომ სასამართლოზე დასწრება მოახერხოს, თქვა, რომ თუ სასამართლო კლინიკას მიმართავს ამ კითხვით, უპასუხებენ.რადიო თავისუფლების დამაზუსტებელ კითხვაზე, რომ შეუძლია თუ არა, დაესწროს სასამართლოს ამჟამად, თქვა, რომ ზუსტად არ იცის, როდისაა სააკაშვილის სასამართლო და დასძინა, რომ სააკაშვილს აქვს რამდენიმე ქრონიკული დაავადება და დროთა განმავლობაში, შიგადაშიგ ჯანმრთელობის მდგომარეობა ურთულდება. три რა განაჩენს ელის სააკაშვილი?სააკაშვილს 6-წლიანი პატიმრობა უკვე მისჯილი აქვს სანდრო გირგვლიანის მკვლელობისა და ვალერი გელაშვილის ცემის საქმეებზე, - რასაც იგი, სხვა ბრალდებებთან ერთად, პოლიტიკურად მოტივირებულად მიიჩნევს;სააკაშვილი ასევე ბრალდებულია ტელეკომპანია „იმედის“ 2007 წლის დარბევის საქმეზე; ამასთან, ბრალი აქვს წაყენებული „დიდი ოდენობით საბიუჯეტო თანხების ჯგუფურად გაფლანგვაში“ - რასაც მისი მომხრეები ხშირად „პიჯაკების საქმეს“ უწოდებენ;ამ საქმეზე მასთან ერთად ბრალდებულია სახელმწიფო დაცვის სპეციალური სამსახურის ყოფილი უფროსის, თეიმურაზ ჯანაშია.სწორედ ამ საქმეზე დაასრულა თბილისის საქალაქო სასამართლომ განხილვები - 10 მარტს მოსამართლე ბადრი კოჭლამაზიშვილი სათათბიროდ გავიდა.მოსამართლემ 10 მარტს სხდომის დასრულებისას განაცხადა, რომ ის საბოლოო განაჩენის გამოსატანად რამდენიმე დღით ისარგებლებს. „ერთიანობა - ნაციონალური მოძრაობის“ ცნობით, ის განაჩენის გამოცხადებას ხვალ, 12 მარტს აპირებს. ასევე ნახეთ სააკაშვილი: რისთვისაც ტრამპი მაქებდა, იმის გამო ცდილობენ ჩემს დასჯას სააკაშვილი, რომელმაც 2021 წლის ადგილობრივი თვითმმართველობის არჩევნებისთვის მალულად ჩამოვიდა უკრაინიდან, პირველ ოქტომბერს დააკავეს. მას შემდეგ პატიმრობაშია.ხანგრძლივი შიმშილობის შემდეგ, 2022 წლის 12 მაისს, იგი რუსთავის მე-12 პენიტენციური დაწესებულებიდან გადაიყვანეს კლინიკა „ვივამედში“, სადაც დღემდე აგრძელებს მკურნალობას. ...