ეს ინფორმაცია რადიო თავისუფლების ცენტრალურ სამსახურს დაუდასტურა სენატის საგარეო ურთიერთობათა კომიტეტის წარმომადგენელმა. სავარაუდო თარიღი, როდის გაიმართება მოსმენა, ამ ეტაპზე მას არ დაუზუსტებია.„მეგობარი აქტი“, MEGOBARI Act აშშ-ის სენატის საგარეო ურთიერთობათა კომიტეტის თავმჯდომარემ, რესპუბლიკური პარტიის წევრმა ჯიმ რიშმა და ამავე კომიტეტის დემოკრატმა წევრმა ჯინ შაჰინმა გასულ კვირას წარადგინეს.კანონპროექტის სრული დასახელება ასეთია: „საქართველოს ანგარიშვალდებულების, გამძლეობისა და დამოუკიდებლობის შესაძლებლობების გაძლიერებისა და მობილიზაციის აქტი“.კანონპროექტის ინგლისური დასახელების აბრევიატურა, რომელიც ემთხვევა ქართულ სიტყვა „მეგობარს“ და შეერთებული შტატების საქართველოსადმი დამოკიდებულების სიმბოლოდაა ჩაფიქრებული, სწორედ ასე ითარგმნება (Mobilizing and Enhancing Georgia’s Options for Building Accountability, Resilience, and Independence Act).„მეგობარი აქტი“ თავდაპირველად 2024 წლის 20 მაისს - საქართველოს პარლამენტში „აგენტების კანონზე“ პრეზიდენტის ვეტოს დაძლევამდე - დარეგისტრირდა აშშ-ის წარმომადგენელთა პალატაში.მსგავსი შინაარსის აქტი - „ქართველი ხალხის აქტი“ - შეიტანეს კონგრესის ზედა პალატაში, სენატშიც. აშშ-ის სენატში „ქართველი ხალხის აქტის“ მოსმენა უნდა გამართული 2024 წლის სექტემბერში საგარეო ურთიერთობათა კომიტეტის სხდომაზე, თუმცა ეს სხდომა განუსაზღვრელი ვადით გადაიდო. 2025 წლის 3 იანვარს სენატის ახალმა შემადგენლობამ დადო ფიცი. ასევე ნახეთ სენატორებმა რიშმა და შაჰინმა MEGOBARI Act-ი წარადგინეს ჯიმ რიში 10 მარტს ჯინ შაჰინთან ერთად გავრცელებულ განცხადებაში წერს, კანონპროექტი ძლიერი გზავნილია, რომ აშშ მხარს უჭერს ქართველ ხალხს.„ვინაიდან ისინი იბრძვიან თვითგამორკვევის უფლებისთვის" და მისცემს აშშ-ის ინსტრუმენტებს, რათა დაეხმაროს ქართველებს, თავიანთი პოლიტიკური სისტემის სამართლიანობის აღდგენაში... საქართველოს მეგობრები მთელი მსოფლიოდან შოკირებული და შეძრწუნებულნი იყვნენ ხელისუფლების ავტორიტარიზმში გადაშვებითა და პროდემოკრატიული დემონსტრანტების ძალადობრივი დარბევის გამო", - განაცხადა რიშმა.სენატის საგარეო ურთიერთობათა კომიტეტის წევრის, ჯინ შაჰინის თქმით, შეერთებულმა შტატებმა უნდა გააძლიეროს ქართველი ხალხის მხარდაჭერა, რომლებმაც მკაფიოდ აჩვენეს თავისი ევროატლანტიკური მისწრაფებები.„მოხარული ვარ, რომ ხელახლა წარვადგინე ეს ორპარტიული, ორპალატიანი კანონპროექტი თავმჯდომარე რიშთან ერთად, რათა მხარი დავუჭიროთ ქართველ ხალხს "ქართული ოცნების" მთავრობის მიერ კონსტიტუციური დარღვევებისა და მშვიდობიანი მომიტინგეების მიმართ ძალადობის ფონზე. ქართველმა ხალხმა ნათლად აჩვენა თავისი ევროატლანტიკური მისწრაფებები და შეერთებულმა შტატებმა უნდა გააგრძელოს...