საფრანგეთის თავდაცვის მინისტრმა სებასტიენ ლეკორნიუმ განაცხადა, რომ უკრაინის არმია უკრაინის „უსაფრთხოების მთავარ გარანტად“ რჩება და პარიზი „უკრაინის არმიის ნებისმიერი დემილიტარიზაციის“ წინააღმდეგი იქნება.ლეკორნიუმ ეს განცხადება გააკეთა პარიზში, თავდაცვისა და სტრატეგიის ფორუმზე. სამშაბათს ამავე ფორუმზე სიტყვით გამოვა საფრანგეთის პრეზიდენტი ემანუელ მაკრონი. ფორუმის კულუარებში, როგორც ადრე გამოცხადდა, უნდა შედგეს ევროპის ქვეყნების შტაბების უფროსთა შეხვედრა. ამ შეხვედრაზე, რომელსაც მაკრონიც დაესწრება, განიხილავენ უკრაინაში პოტენციურ სამშვიდობო ოპერაციაში მონაწილეობასთან დაკავშირებულ საკითხებს.მოსკოვი კატეგორიულად ეწინააღმდეგება ნატოში შემავალი ქვეყნების ნებისმიერი სახით ყოფნას უკრაინის ტერიტორიაზე.რუსეთის პრეზიდენტი ვლადიმირ პუტინი უკრაინაში სრულმასშტაბიანი შეჭრის პირველი დღიდანვე ითხოვდა უკრაინის „დემილიტარიზაციას“, რაც კიევისთვისაც მიუღებელია. ასევე ნახეთ ფრანგული ატომური ქოლგა და გერმანული 500 მილიარდი - ევროპის „წყალგამყოფი მომენტი“ ...