როდესაც კარანს ფიცს ადებინებდა, აშშ-ის საშინაო უსაფრთხოების მინისტრმა კრისტი ნოემმა განაცხადა, რომ "მან საფრთხეში ჩაიგდო სიცოცხლე, რათა პრეზიდენტ ტრამპის სიცოცხლე გადაერჩინა". ეს ქმედება, ნოემის თქმით, აშშ-ის საიდუმლო სამსახურის აგენტის ერთგულებაზე მეტყველებს.დონალდ ტრამპზე თავდასხმის მცდელობა წინასაარჩევნო შეხვედრის დროს 13 ივლისს, პენსილვანიაში მოხდა. ასევე ნახეთ ყველა თავდასხმა ამერიკის პრეზიდენტებსა და პრეზიდენტობის კანდიდატებზე ადამიანი, რომელიც ტრამპის მოკვლას ცდილობდა, წარმოშობით პენსილვანიელი 20 წლის თომას მეთიუ კრუქსი აღმოჩნდა. სროლის შედეგად კრუქსმა აქციის ერთი მონაწილე მოკლა და ორი დაჭრა. თავად კრუქსი ადგილზე მოკლეს საიდუმლო სამსახურის თანამშრომლებმა.დონალდ ტრამპს ტყვია მარჯვენა ყურში მოხვდა. როცა ის სცენიდან გაჰყავდათ და მანქანაში ჩაჯდომაში ეხმარებოდნენ, პრეზიდენტობის რესპუბლიკელი კანდიდატი ხალხისკენ შებრუნდა, ჰაერში მუშტი მოიღერა და იძახდა "იბრძოლეთ, იბრძოლეთ, იბრძოლეთ! "სროლა მოხდა რესპუბლიკური პარტიის ყრილობამდე რამდენიმე დღით ადრე, ყრილობისა, რომელზეც ტრამპი პრეზიდენტობის კანდიდატად დაასახელებს. ასევე ნახეთ FBI: იდენტიფიცირებულია ტრამპზე თავდამსხმელი - ის 20 წლის მეთიუ კრუქსია შონ კარანი საიდუმლო სამსახურში 2001 წლიდან მუშაობს. ის პასუხისმგებელი იყო ტრამპის დაცვაზე მისი პირველი ვადის განმავლობაში და შემდეგაც. კარანს დაქვემდებარებაში 85 ადამიანი ჰყავდა. ...