უკრაინის პრეზიდენტი ვოლოდიმირ ზელენსკი რუსული ძალების მიერ დონეცკის ოლქის ქალაქ დობროპოლიეს მიმართ სარაკეტო იერიშებს ეხმაურება და აცხადებს, რომ მსგავსი თავდასხმები არის იმის დასტური, რომ რუსეთის მიზნები არ შეცვლილა. „გასულ ღამეს, რუსეთის ჯარმა დონეცკის რეგიონში დობროპოლიეს ცენტრი ორი ბალისტიკური რაკეტით დაბომბა. საგანგებო სიტუაციების მართვის სამსახურების ადგილზე გამოჩენის შემდეგ, რუსეთმა კიდევ ერთი თავდასხმა განახორციელა, რომლითაც განგებ ამოიღო მიზანში მაშველები. ეს არის ბოროტი და არაადამიანური დაშინების ტაქტიკა, რომელსაც რუსები ხშირად იყენებენ“. три ვოლოდიმირ ზელენკი წერს, რომ ამ დროისთვის დადასტურებულია 11 ადამიანის დაღუპვა. დაშავებულია 30-ზე მეტი ადამიანი, მათ შორის 5 ბავშვი. „მნიშვნელოვანია გავაგრძელოთ ყველაფრის კეთება იმისთვის, რომ ადამიანების სიცოცხლეები გადავარჩინოთ, რომ გავაძლიეროთ ჩვენი საჰაერო თავდაცვა, გავაძლიეროთ სანქციები რუსეთზე. ყველაფერი, რაც რუსეთს ეხმარება, რომ დააფინანსოს ომი, უნდა ჩამოიშალოს“, - წერს უკრაინის პრეზიდენტი. 8 მარტი დონეცკის ოლქში გლოვის დღედ გამოცხადდა. ასევე ნახეთ 8 მარტის ღამით დონეცკის ოლქზე შეტევას 11 ადამიანი ემსხვერპლა, არიან დაშავებულებიც ...