„ქართული ოცნების“ მთავრობის საგარეო საქმეთა მინისტრის მოადგილის, ვლადიმერ კონსტანტინიდის განცხადებით, დღეს საქართველოს 1,5 მილიონზე მეტი მოქალაქე ცხოვრობს საზღვარგარეთ. ამის შესახებ მან 7 მარტს, სადავო პარლამენტის დიასპორისა და კავკასიის საკითხთა კომიტეტის სხდომაზე განაცხადა, სადაც ამავე თემაზე პრეზენტაცია წარადგინა. კონსტანტინიდის განმარტებით, მის მიერ წარდგენილი მონაცემები არაოფიციალურია, რადგან იგი მოიცავს მხოლოდ საელჩოებიდან და დიასპორიდან მიღებულ ინფორმაციას, მოქალაქეთა დიდი ნაწილი კი უცხოეთში ლეგალური სტატუსის გარეშეა. მანვე წარადგინა უცხოეთში მცხოვრები ქართველების სტატისტიკა ქვეყნების მიხედვით. კონსტანტინიდმა იქვე აღნიშნა, რომ "სულ ცოტა ხნის წინ" აშშ ხუთეულშიც არ შედიოდა, ბოლო დროს კი განსაკუთრებით გაიზარდა იქ წასულ საქართველოს მოქალაქეთა რიცხვი. სტატისტიკა ქვეყნების მიხედვით ასეთია: რუსეთი 700 000-მდე; საბერძნეთი 200 000; აშშ - 120 000; იტალია - 50 000; გერმანია - 50 000; თურქეთი - 45 000 (ისტორიული დიასპორა 1,5 მილიონამდე); საფრანგეთი - 35 000; ესპანეთი 25 000; ბელგია - 20 000; ისრაელი - 20 000; დიდი ბრიტანეთი 10 000. „პრაქტიკულად დიასპორის რამდენიმე ტალღაზე გვაქვს საუბარი. 1990-იანი წლების დასაწყისიდან ვინც დღემდე წავიდა საზღვარგარეთ, ის ციფრები გვაქვს მოტანილი“, - განაცხადა ვლადიმერ კონსტანტინიდმა. ასევე ნახეთ ამდენი ემიგრანტი საქართველოს არასდროს ჰყოლია? - რატომ და სად მიდიან სამშობლოდან კატათაგვობანას თამაში სიკვდილის გზაზე - ქართველი მიგრანტების ისტორიები ირლანდიიდან “ოჯახებით მიდიან, უკან დაბრუნებას აღარ აპირებენ” - როგორ ცვლის მიგრაცია დემოგრაფიულ სურათს საქართველოში 4,4 მილიარდი დოლარი - ემიგრანტებმა საქართველოში რეკორდული თანხა გადმორიცხეს საქართველოდან თავშესაფრის მაძიებელთა რაოდენობამ რეკორდულ რიცხვს მიაღწია ჩამოვედი და ჩავბარდი - რატომ მიდიან ქართველი ჟურნალისტები ემიგრაციაში? რატომ წავედი საქართველოდან ...