ინფორმაცია, რომელიც თავდაპირველად ფეისბუკზე გაავრცელა გვერდმა „ჩემი ქალაქი მკლავს“, რადიო თავისუფლებს შსს-ში დაუდასტურეს. შსს-ს ცნობითვე, მომხდარის შედეგად დაშავდა ორი ადამიანი. მსხვერპლი არ არის. „ჩემი ქალაქი მკლავს“ წერს, რომ ტრაქტორი, სამი ავტომობილის გარდა, დაეჯახა ერთ ადამიანს. შსს-ში ამას ჯერ ვერ აზუსტებენ, თუმცა ადასტურებენ, რომ მომხდარის შედეგად ორი ადამიანია დაშავებული. გამოძიება დაიწყო - სისხლის სამართლის კოდექსის 276-ე მუხლით, რაც „ტრანსპორტის მოძრაობის უსაფრთხოების ან ექსპლუატაციის წესის დარღვევას“ გულისხმობს. ჯერ უცნობია, დააკავეს თუ არა ტრაქტორის მძღოლი. ინციდენტი იმ ადგილას მოხდა, სადაც 2023 წლის 21 ნოემბერს სატვირთო ავტომობილის დაგორებას საფეხმავლო გადასასვლელთან მდგარი 15 წლის მოზარდი ემსხვერპლა. მსხვერპლი მოჰყვა ორთაჭალაში 2023 წლის 21 ნოემბერს ამავე ადგილას სატვირთო ავტომობილის დაგორებას - 15 წლის ბიჭი გარდაიცვალა. ფოტო არქივიდან ბეჟან კალანდაძის ციცაბო აღმართი მანქანებით ხშირად არის გადატვირთული. ასახვევში დამონტაჟებულია შუქნიშანი. როგორც რადიო თავისუფლება მაშინ წერდა, ქუჩაზე მსუბუქ ავტომობილებთან ერთად ხშირად გადაადგილდებიან მიმდებარე მშენებლობებზე მიმავალი და მშენებლობებიდან მომავალი სატვირთო მანქანები, მათ შორის, ე.წ. ბეტონის შემრევი მანქანები, ასევე, ტრაქტორები. ასევე ნახეთ მთელი ქვეყანა გადაქცეულია ერთ დიდ უკონტროლო სამშენებლო ობიექტად - რას ემსხვერპლა 15 წლის ბიჭი ...