ვაშინგტონსა და კიევს შორის სასარგებლო წიაღისეულის თაობაზე შეთანხმება ჯერ არ არის მზად ხელმოწერისთვის, მისი პირობები კიდევ შეიძლება შეიცვალოს, რადგან აშშ-ის პრეზიდენტი, დონალდ ტრამპი უფრო მომგებიან შეთანხმებას მოელის - ამ ცნობას ავრცელებს მედიაკომპანია CBS News-ი, მოლაპარაკებების პროცესში გათვიცნობიერებულ რამდენიმე წყაროზე დაყრდნობით. ტრამპის ადმინისტრაციის წარმომადგენლები ამბობენ, რომ 4 მარტის მდგომარეობისთვის პრეზიდენტი და მისი მრჩევლები არ გეგმავდნენ შეთანხმებაზე ხელმოწერას. მანამდე სააგენტო Reuters-ის წყაროები იუწყებოდნენ, რომ აშშ და უკრაინა შეთანხმების გაფორმებისთვის ემზადებოდნენ და რომ ტრამპი ამას გამოაცხადებდა კონგრესთან მიმართვაში, 4 მარტის საღამოს. შემდეგ Fox News-ის ჟურნალისტმა, ჯეკი ჰაინრიხმა გაავრცელა აშშ-ის ფინანსთა მინისტრის, სკოტ ბესენტის სიტყვები, რომ ხელმოწერა არ იგეგმებოდა. უკრაინის პრეზიდენტი, ვოლოდიმირ ზელენსკი 28 თებერვალს ჩავიდა ვაშინგტონში ამ შეთანხმების გასაფორმებლად, თუმცა თეთრ სახლში მიმდინარე პროტოკოლურ შეხვედრაზე მოხდა მწვავე სიტყვიერი კონფლიქტი ზელენსკის, ტრამპსა და ვიცე-პრეზიდენტ ჯეი დი ვენსს შორის და დოკუმენტის ხელმოწერა გადაიდო. ასევე ნახეთ ზელენსკის თქმით, ის მზად არის „პრეზიდენტ ტრამპის ძლიერი ლიდერობით“ იმუშაოს მშვიდობისთვის რამდენიმე დღეში ტრამპმა ჟურნალისტებს უთხრა, რომ უკრაინასთან იშვიათ წიაღისეულზე შეთანხმება დახურული არ არის და რომ ზელენსკიმ "უფრო მეტი მადლიერება" უნდა გამოავლინოს. პასუხად, ზელენსკიმ აღიარა, რომ თეთრ სახლში შეხვედრა არ გაიმართა ისე, როგორც დაგეგმილი იყო და სინანული გამოხატა ამის თაობაზე. ზელენსკიმ აღნიშნა, რომ უკრაინა აპირებს ტრამპთან თანამშრომლობას. კონგრესისადმი მიმართვაში ტრამპს არ უხსენებია შეთანხმების გაფორმებისთვის მზაობა, თუმცა თქვა, რომ ზელენსკისგან მნიშვნელოვანი წერილი მიიღო. ამ წერილში უკრაინის პრეზიდენტი გამოხატავს სურვილს რაც შეიძლება მალე დაჯდეს მოლაპარაკების მაგიდასთან. ასევე ნახეთ ტრამპი: ზელენსკი მზად არის წიაღისეულზე შეთანხმებისთვის, რუსეთიდან "ძლიერი სიგნალებია" მშვიდობისთვის მზადყოფნაზე ...