ამერიკელმა დემოკრატებმა კონგრესში პრეზიდენტ დონალდ ტრამპის გამოსვლა და მისი პოლიტიკა გააკრიტიკეს და ამომრჩევლებს პოლიტიკურ პროცესებში აქტიური მონაწილეობისკენ მოუწოდეს. სენატორმა ელისა სლოტკინმა განაცხადა, რომ დემოკრატია გადასარჩენია. დემოკრატმა სენატორმა ამერიკელ ამომრჩევლებს მიმართა, რომ დღეს ქვეყანას სჭირდებიან ისე, როგორც არასდროს და მოუწოდა, თანამდებობებზე არჩეულ პირებს პრობლემებზე პასუხი ორგანიზებულად მოსთხოვონ. ელისა სლოტკინმა გააკრიტიკა პრეზიდენტ დონალდ ტრამპის ეკონომიკური გეგმა და განაცხადა, რომ მაშინ, როცა საშუალოსტატისტიკურ ამერიკელებს სამართლიანი საგადასახადო სისტემა სჭირდებათ, ტრამპი თავისი მილიარდერი მეგობრების დასაჩუქრებას ცდილობს. ასევე ნახეთ "ამერიკა დაბრუნდა!" - აშშ-ის კონგრესში სიტყვით გამოდის პრეზიდენტი დონალდ ტრამპი დემოკრატმა სენატორმა გააკრიტიკა უკრაინისადმი პრეზიდენტ დონალდ ტრამპის ადმინისტრაციის დამოკიდებულებაც და 28 თებერვალს, თეთრ სახლში პრეზიდენტ ზელენსკისთან ტრამპის და ვიცე-პრეზიდენტ ვენსის დაპირისპირება და განაცხადა, რომ პრეზიდენტი რეიგანი ალბათ, საფლავში გადატრიალდა. ელისა სლოტკინის განცხადებით, ის, როგორც „ცივი ომის“ პერიოდის ბავშვი, მადლობელია, რომ 1980-იან წლებში აშშ-ის ხელისუფლებაში იყო რონალდ რეიგანი და არა დონალდ ტრამპი, რომელიც „ცივ ომს“ წააგებდა. ასევე ნახეთ ტრამპი: ზელენსკი მზად არის წიაღისეულზე შეთანხმებისთვის, რუსეთიდან "ძლიერი სიგნალებია" მშვიდობისთვის მზადყოფნაზე 4 მარტს აშშ-ის პრეზიდენტი დონალდ ტრამპი სიტყვით გამოვიდა კონგრესის ორივე პალატის გაერთიანებულ სხდომაზე. მან ძირითადად, ქვეყნის შიდა პოლიტიკაზე ილაპარაკა, არაერთხელ გააკრიტიკა წინამორბედი პრეზიდენტი, დემოკრატი ჯო ბაიდენი და განაცხადა, რომ ახლა „ამერიკა დაბრუნდა". რესპუბლიკელებმა ტრამპის გამოსვლა არაერთხელ აღნიშნეს ტაშითა და ფეხზე წამოდგომით. ასევე ნახეთ კონგრესში გამოსვლისას ტრამპმა მასკი შეაქო, დემოკრატებმა პროტესტი გამოუცხადეს ...