ტრამპმა გამოაცხადა, რომ დღეს მან წერილი მიიღო უკრაინის პრეზიდენტ ვოლოდიმირ ზელენსკისგან, რომელიც მზად არის, ხელი მოაწეროს შეთანხმებას წიაღისეულის შესახებ. აშშ-ის პრეზიდენტმა თქვა, რომ ის მადლიერია ზელენსკის ამ წერილისთვის. ტრამპის თქმით, ამავე დროს მან რუსეთისგან მიიღო "ძლიერი სიგნალები", რომ ის მზად არის მშვიდობისთვის. წიაღისეულის შესახებ შეთანხმების ხელმოწერა ჩაიშალა ტრამპს, აშშ-ის ვიცე-პრეზიდენტ ჯეი დი ვენსსა და უკრაინის პრეზიდენტ ვოლოდიმირ ზელენსკის შორის შელაპარაკების გამო, რომელიც 28 თებერვალს მოხდა თეთრ სახლში გამართული შეხვედრისას. ასევე ნახეთ "ამერიკა დაბრუნდა!" - აშშ-ის კონგრესში სიტყვით გამოდის პრეზიდენტი დონალდ ტრამპი მოლაპარაკებების ღია ნაწილის დროს ზელენსკიმ განაცხადა, რომ კიევი არ არის მზად ცეცხლის შეწყვეტისთვის და მას უსაფრთხოების გარანტიები სჭირდება ვაშინგტონისგან. საპასუხოდ, ტრამპმა თქვა, რომ უკრაინა „ომის დაწყების შემდეგ არახელსაყრელ მდგომარეობაშია“ და „მადლიერი უნდა იყოს“ შეერთებული შტატების მიმართ და რომ უკრაინის ხელისუფლება „ვერ ეტყვის“ თეთრ სახლს, სურს თუ არა კიევს ცეცხლის შეწყვეტა. 4 მარტს ზელენსკიმ სოცქსელში გამოაქვეყნა პოსტი ამ შეხვედრის შეფასებით. მან განაცხადა, რომ შეხვედრა „არ წარიმართა ისე, როგორც ნავარაუდევი იყო“ და გამოთქვა მზადყოფნა, „რაც შეიძლება მალე“ დაჯდეს მოლაპარაკებების მაგიდასთან. უკრაინის პრეზიდენტმა ასევე განაცხადა, რომ უკრაინა მზადაა, ხელი მოაწეროს წიაღისეული რესურსებისა და უსაფრთხოების შესახებ შეთანხმებას „ნებისმიერ დროს და ნებისმიერ მოსახერხებელ ფორმატში“. три ასევე ნახეთ კონგრესში გამოსვლისას ტრამპმა მასკი შეაქო, დემოკრატებმა პროტესტი გამოუცხადეს ...