Financial Times-ი იმოწმებს უკრაინის დაზვერვის მაღალი რანგის წარმომადგენელს, რომლის თანახმად, აშშ-ისგან მიღებული იარაღი და ტექნიკა უკრაინას „ორ-სამ თვეს“ ეყოფა. ეს ნაკლებია, ვიდრე აქამდე იტყობინებოდნენ წყაროები, რომელთა თანახმად, უკრაინას მინიმუმ ნახევარი წელი აქვს. „ამის შემდეგ გაგვიჭირდება. ეს არ იქნება სრული კოლაფსი, მაგრამ უფრო სწრაფად მოგვიწევს უკან დახევა,“ თქვა FT-ის თანამოსაუბრემ. გაზეთს მოჰყავს ასევე „კარნეგის ფონდის“ სამხედრო ანალიტიკოსის, მაიკლ კოფმანის სიტყვები იმის თაობაზე, რომ „რამდენიმე თვეში ვიხილავთ საგრძნობ შედეგებს“. „და პირველ რიგში ისინი დაკავშირებული იქნება უკრაინის უნართან, განახორციელოს მაღალი სიზუსტის დარტყმები,“ მიაჩნია კოფმანს. BBC-ს მოჰყავს უკრაინელი სამხედრო ანალიტიკოსის, პაველ ნაროჟნის სიტყვები იმის თაობაზე, რომ საქმე ეხება სარაკეტო კომპლექს HIMARS-ს, რომლის შემცვლელი უკრაინას არ მოეპოვება. უკრაინას დარჩება ბრიტანული და ფრანგული რაკეტები Storm Shadow და SCALP, მაგრამ მათი სისწრაფე უფრო დაბალია და მათი ჩამოგდება უფრო იოლია, დასძინა ნაროჟნიმ. 3 მარტს მედიაში გავრცელებული ცნობების თანახმად, აშშ-ის პრეზიდენტმა, დონალდ ტრამპმა შეაჩერა უკრაინისთვის გაწეული ყველა სახის სამხედრო დახმარება, უკრაინის პრეზიდენტთან, ვოლოდიმირ ზელენსკისთან გასულ კვირაში მომხდარი ღია კონფლიქტის ფონზე. დახმარების პროცესში "პაუზა" გასტანს მანამ, სანამ ტრამპი დაადგენს, რომ უკრაინის ლიდერებს გულწრფელად სურთ მშვიდობა, - იუწყებიან Bloomberg-ი და Fox News-ი, მათზე დაყრდნობით ამ ინფორმაციას ავრცელებს სააგენტო "როიტერსიც". ასევე ნახეთ ტრამპმა შეაჩერა უკრაინის სამხედრო დახმარება ...