უკრაინის უშიშროების სამსახურმა სისხლის სამართლის ორი მუხლით დაუსწრებლად ცნო ეჭვმიტანილად რუსი მომღერალი გრიგორი ლეპსი, რომელიც ამართლებს რუსეთის აგრესიას უკრაინის წინააღმდეგ და მხარს უჭერს უკრაინის საზღვრების შეცვლისკენ მიმართული ქმედებების დაფინანსებას. გამოძიების თანახმად, ლეპსმა, 2023 წლის ზაფხულში გამართული ერთ-ერთი კონცერტის დროს, რუსეთის მედიის წინაშე საჯარო პირობა დადო, რომ „მილიონ რუსულ რუბლს გადაუხდიდა რაშისტებს უკრაინის არმიის თითოეული განადგურებული ტანკისთვის“. მოგვიანებით კი განაცხადა, რომ 1 მილიონი რუბლი გადაუხადა რუს სამხედროს, რომელმაც უკრაინის არმიას გაუნადგურა ტანკი „ლეოპარდი“. ასევე ნახეთ მომღერალი ლეპსი აცხადებს, რომ მილიონი გადაიხადა უკრაინელების „ლეოპარდის“ განადგურებისთვის ასევე, გრიგორი ლეპსმა არაერთხელ გადასცა საოკუპაციო ადმინისტრაციას ჯავშანჟილეტები, საცვლების კომპლექტები და კვების პროდუქტები „ჰუმანიტარული დახმარების სახით“. უკრაინაში რუსეთის სრულმასშტაბიანი შეჭრის შემდეგ ლეპსს სანქციები დაუწესეს ევროკავშირმა, შვეიცარიამ და უკრაინამ. მანამდე დანაშაულებრივ სამყაროსთან რუსი მომღერლის საეჭვო კავშირების გამო გრიგორი ლეპსს თავიანთ ტერიტორიებზე შესვლა აუკრძალეს ლიეტუვამ და ლატვიამ. ასევე ნახეთ ლატვიამ ქვეყანაში შესვლა აუკრძალა რუს მომღერალ გრიგორი ლეპსს (ლეფსვერიძეს) ...