„უდიდესი წუხილით და უსამართლობის განცდით ვაცხადებ საქართველოდან ჩემი იძულებითი წასვლის შესახებ“, - წერს ბაჩიაშვილი ფეისბუკზე. ბაჩიაშვილს 2023 წლის ივლისიდან აკრძალული ჰქონდა ქვეყნის დატოვება და საქართველოს საზღვრის კვეთა, ასევე, ჩამორთმეული ჰქონდა საქართველოსა და რუსეთის მოქალაქის პასპორტები. ჯერ უცნობია, სად გაემგზავრა ბაჩიაშვილი და რა გზით. რადიო თავისუფლება დაუკავშირდა მას, თუმცა ბიზნესმენმა თქვა, რომ ამ ეტაპზე დამატებითი კომენტარებისგან და ინფორმაციის გაზიარებისგან თავს იკავებს. გიორგი ბაჩიაშვილი წერს, რომ მიიღო „სანდო ინფორმაცია“ მისი უსაფრთხოებისათვის შექმნილი „რეალური საფრთხეების“ შესახებ, რასაც, მისი თქმით, „დღევანდელ საქართველოში შეიძლება სასიკვდილო მნიშვნელობა ჰქონდეს“. три დღეს, 4 მარტს 9:30 საათზე თბილისის საქალაქო სასამართლოში ბაჩიაშვილის მორიგი სასამართლო პროცესი იყო დანიშნული, რომელიც 14:00 საათამდე გადაიდო. ბაჩიაშვილის ადვოკატის, ლევან მახარაშვილის განცხადებით, მანაც ფეისბუკზე გამოქვეყნებული პოსტიდან შეიტყო, რომ ბაჩიაშვილი ქვეყნიდან წავიდა: „დღეს მე მას ვესაუბრე, ჩვეულებრივად მოლოდინი მქონდა პროცესზე გამოცხადების. ამ პოსტის შემდეგ დავინტერესდი, რას ნიშნავდა ეს ტექსტი და მითხრა, რომ არ იმყოფებოდა საქართველოში. არ ვიცი, არანაირი ინფორმაცია არ მაქვს [სად არის]“, - განაცხადა მახარაშვილმა. მან ასევე დაადასტურა, რომ ბაჩიაშვილს „პასპორტები ჩამორთმეული ჰქონდა“. იგივე თქვა პროკურორმა მიხეილ სადრაძემ. პროკურორმა ასევე განაცხადა, რომ „საკითხი საჭიროებს შესწავლას“ და „გამოძიება დაიწყება“. რას ამბობს ბაჩიაშვილი „ციხეში, აბსოლუტურად დაუცველი დავრჩებოდი ივანიშვილის ჯალათების პირისპირ… იმ ციხეში, სადაც ივანიშვილმა გაჭყლეტვა შემომითვალა“, - წერს ბაჩიაშვილი. „მიუხედავად იმისა, რომ ივანიშვილის კრიმინალური გეგმა ჩემთვის თავიდანვე ნათელი იყო, მე მაინც გავრისკე და ბოლომდე გავაშიშვლე მისი ნამდვილი სახე. ივანიშვილის რეჟიმი სრულიად გავიდა სამართლის და დემოკრატიის პრინციპებიდან, შესაბამისად ჩემი წასვლა არა უკან დახევა, არამედ ერთადერთი საღი გამოსავალია“, - წერს ის ფეისბუკზე. три ბრალდება და 2.5-მილიონიანი გირაო გიორგი ბაჩიაშვილს ორ საქმეზე აქვს ბრალი წაყენებული: „კრიპტოვალუტების მითვისების“ საქმესა და „მტკვარი ჰესის“ საქმეზე, - ორივე შემთხვევაში ბიძინა ივანიშვილი ფიგურირებს. გიორგი ბაჩიაშვილის წინააღმდეგ პირველი საქმე ბიძინა ივანიშვილის განცხადების საფუძველზე 2023 წლიდან არის აღძრული. პროკურატურა - ბიძინა ივანიშვილის განცხადების საფუძველზე - გიორგი ბაჩიაშვილს 39 215 820 აშშ დოლარის ბიტკოინის მითვისებას ედავება. მას თბილისის საქალაქო სასამართლომ 2023 წლის 6 ივლისს აღკვეთის ღონისძიებად 2,5 მლნ ლარის გირაოს გადახდა შეუფარდა. „მტკვარი ჰესის“ საქმეზე, - რაც ამ საქმე...