„ქართველი ჟურნალისტი მზია ამაღლობელი ხვალ ერთ თვეზე მეტი ხნის პატიმრობის შემდეგ სასამართლოს წინაშე წარდგება. აუცილებელია მისი დაუყოვნებლივ განთავისუფლება“, - აცხადებს გერმანიის საგარეო უწყება. три 3 მარტს X-ზე გამოქვეყნებულ განცხადებაში სამინისტრო წერს, რომ „ქართული ოცნება“ „აგრძელებს დაშინების კამპანიას ჟურნალისტების, დემონსტრანტებისა და ოპოზიციის წინააღმდეგ“. „ჩვენ ვუჭერთ მხარს მათ, ვინც თავისუფლებას იცავს“, - აცხადებს სამინისტრო. 4 მარტს გერმანიის საელჩომ ეს განცხადება ხელახლა გააზიარა. три გერმანიის საგარეო უწყების განცხადებას გამოეხმაურნენ „ქართული ოცნების“ პარლამენტში. „ქართული ოცნების“ განაყოფის, „ხალხის ძალის“ წარმომადგენელმა გურამ მაჭარაშვილმა გერმანიის საგარეო საქმეთა მინისტრი ანალენა ბერბოკი „დიპ სტეიტთან“ კავშირში დაადანაშაულა: „უკაცრავად, ქალბატონო ბერბოკ, გაშიფრული ხართ - ეს ორმაგი სტანდარტები არ გამოგივათ. ქართველი საზოგადოება ხედავს, რომ „დიფ სთეითი“, სამწუხაროდ, გერმანიაშიც ბობოქრობს, რომელსაც, დარწმუნებული ვარ, როგორც ამერიკელმა ხალხმა, გერმანელი ხალხიც ასევე დაამარცხებს“, - თქვა მან. მზია ამაღლობელის სასამართლო სხდომა ბათუმის საქალაქო სასამართლოში 4 მარტს, 14:00 საათზეა დანიშნული. ბათუმის საქალაქო სასამართლოში 4 მარტის წინასასამართლო სხდომაზე მოსამართლე ვიქტორ მეტრეველია. მან უნდა გადაწყვიტოს, დაუშვებს თუ არა მტკიცებულებებს და განიხილავს თუ არა საქმეს არსებითად. ასობით ქართველი თუ უცხოუელი ჟურნალისტი, უფლებადამცველი ორგანიზაცია, ევროკავშირის არაერთი წევრი ქვეყნის მთავრობა და მათი წარმომადგენლები ამაღლობელის გათავისუფლებას ითხოვენ. ასევე ნახეთ სააპელაციომ ამაღლობელის საჩივარი არ მიიღო - ვინ არის გადაწყვეტილების მიმღები მოსამართლე 3 მარტსვე ლიეტუვამ და ესტონეთმა სანქციები - სავიზო შეზღუდვები - დაუწესეს მზია ამაღლობელის საქმის ფიგურანტებს - მოსამართლეებს, პროკურორებსა და პოლიციელებს. ლიეტუვის საგარეო უწყება წერს, რომ სანქცირებულებს შორის არიან „პოლიციელები, რომელთაც ცრუ ჩვენებები მისცეს ჟურნალისტ მზია ამაღლობელის წინააღმდეგ და წვლილი შეიტანეს მის უკანონო პატიმრობაში“. ესტონეთის საგარეო უწყების გავრცელებულ სიაში კი ჩამოთვლილია ამაღლობელის საქმის ფიგურანტების სახელები: მზია ამაღლობელის საქმის პროკურორები - ვლადიმერ თურმანიძე და თორნიკე გოგეშვილი; ბათუმის პოლიციის უფროსი, რომელზე „თავდასხმასაც“ ედავებიან ამაღლობელს სილის გაწვნის გამო - ირაკლი დგებუაძე, რომელიც „დაზარალებულად“ არის ცნობილი; აჭარის პოლიციის უფროსი გრიგოლ ბესელია და მისი მოადგილე დავით ათაბეგაშვილი, ბათუმის პოლიციის უფროსის, ირაკლი დგებუაძის მოადგილე გოჩა ვანაძე; მოსამართლეები - ნინო სახელაშვილი და ვერა დოლიძე. ასევე ნახეთ ბალტიის ქვეყნებ...