3 მარტს რუსეთის საგარეო საქმეთა სამინისტრომ ქვეყანაში შესვლა აუკრძალა იაპონიის ცხრა ოფიციალურ პირს. მათ შორის არიან იაპონიის საგარეო საქმეთა მინისტრი, ტაკესი ივაია, იაპონიის ელჩი უკრაინაში, მასასი ნაკაგომე, ამ პოსტზე მისი წინამორბედი, კუნინორი მაცუდა, იაპონიის საერთაშორისო თანამშრომლობის სააგენტოს ვიცე-პრეზიდენტი, სეჰეი ჰარა, ამ სააგენტოს უკრაინის ოფისის ხელმძღვანელი, ჰიდეკი მაცუნაგა და ოთხი კომპანიის - IHI Corporation, Isuzu Motors, Prodrone და Cyberdyne - პრეზიდენტები. საგარეო საქმეთა სამინისტროს განცხადებაში ნათქვამია, რომ ეს ნაბიჯი არის პასუხი სანქციებზე, რომლებიც იაპონიამ რუსეთს უკრაინაში შეჭრის გამო დააკისრა. როგორც "ნოვაია გაზეტა - ევროპა" იუწყება, ტაკესი ივაიას უწინ ბევრჯერ აქვს ნათქვამი, რომ იაპონია რუსეთს სანქციებს არ მოუხსნის უკრაინაში ომის დასრულებამდე. თუმცა 14 თებერვალს - მალევე მას შემდეგ, რაც შედგა სატელეფონო საუბარი რუსეთის პრეზიდენტს, ვლადიმირ პუტინსა და აშშ-ის პრეზიდენტს, დონალდ ტრამპს შორის - ივაიამ ილაპარაკა რუსეთთან დიალოგის შენარჩუნების აუცილებლობაზე, იაპონიის ეროვნული ინტერესებიდან გამომდინარე. ასევე ნახეთ რუსეთის გენერალურმა პროკურატურამ არასასურველად აღიარა ევროპარლამენტის პარტია ALDE ...