მსვლელობაში მონაწილეობას იღებენ პროევროპული აქციების დროს, სისხლის სამართლის მუხლით დაკავებულთა დედები. მათ ხელში უჭირავთ პლაკატები წარწერით, "თავისუფლება სინდისის პატიმრებს". დედების მარშს ასევე შეუერთდა საქართველოს მეხუთე პრეზიდენტი, სალომე ზურაბიშვილი. "მე მინდა ვთქვა, რამდენად მნიშვნელოვანია, დღეს დედები დადგნენ და წამოვიდნენ რუსთაველზე იმისათვის, რათა თავიანთი შვილებისთვის სამართალი მოითხოვონ. სადაც სამართალი არაა, იქ არაა მშვიდობა. ესაა მოჩვენებითი მშვიდობა. მე მინდა ყველა დედას მაინც მივულოცო ეს დღე იმიტომ, რომ ყველა დედა ბედნიერია, როცა ასეთი შვილი ჰყავს, რომელიც ღირსეულად იცავს თავის ქვეყანას", - განაცხადა სალომე ზურაბიშვილმა ჟურნალისტებთან საუბრისას.три 96-ე დღეა, რაც საქართველოში უწყვეტად იმართება პროევროპული აქციები ახალი არჩევნების ჩატარებისა და აქციებზე დაკავებული ადამიანების გათავისუფლების მოთხოვნით. მოქალაქეები ასევე აპროტესტებენ 2024 წლის 28 ნოემბერს „ქართულ ოცნებაში“ მიღებულ გადაწყვეტილებას, რომლის მიხედვითაც, მომდევნო ოთხი წლის განმავლობაში დღის წესრიგში აღარ დააყენებენ ევროკავშირთან გაწევრიანებისთვის მოლაპარაკების გახსნის საკითხს. ბოლო ორი თვის განმავლობაში პოლიციამ იძალადა აქციის არაერთ მონაწილეზე, მათ შორის ჟურნალისტებზე, რომლებიც პროცესებს აშუქებდნენ. ამ დრომდე არცერთი მათგანი დაკავებული არ არის. გზის გადაკეტვისთვის კი ჯარიმები 2024 წლის 30 დეკემბრიდან გაიზარდა. ამ ქმედებაში მონაწილეობისთვის ადმინისტრაციული სახდელი 500 ლარის ნაცვლად 5000 ლარი გახდა, ხოლო ორგანიზებისთვის - 5000-ის ნაცვლად 15 000 ლარი. три ...