გერმანიის ქალაქ მანჰაიმში უცნობი პირი ავტომანქანით შეიჭრა ხალხში, - იუწყება ადგილობრივი მედია. პოლიცია ადასტურებს, რომ დაიღუპა სულ მცირე ერთი ადამიანი. არიან დაშავებულებიც. გამოცემა Bild-ი თავის წყაროებზე დაყრდნობით წერს, რომ დაღუპულია ორი პირი და დაჭრილია 20 ადამიანი. პოლიცია იუწყება, რომ დაკავებულია ერთი ეჭვმიტანილი. მისი ვინაობა ჯერჯერობით საჯარო არ არის. სოციალურ ქსელებში ვრცელდება ინციდენტის ფოტო- და ვიდეომასალა, რომლებზეც ჩანს, რომ რამდენიმე ადამიანი მიწაზე წევს. პოლიციამ გადაკეტა გზა ინციდენტის ადგილისკენ. ჯერჯერობით უცნობია, პოლიცია მომხდარს ტერორისტულ აქტად განიხილავს თუ უბედურ შემთხვევად. თებერვლის შუა რიცხვებში ორი ადამიანი დაიღუპა მიუნხენში, როცა ავტომობილი ხალხში შეიჭრა. ამ საქმეს იძიებენ ტერაქტის კვალიფიკაციით, ისლამისტური კვალით, ეჭვმიტანილი ავღანელი ლტოლვილია. ბოლო წლებში გერმანიაში რამდენიმე ტერორისტული თავდასხმა მოხდა მანქანებით ადამიანებზე. ასევე ნახეთ მიუნხენში ავტომობილი ხალხში შეიჭრა, არიან დაშავებულები ...