დიდი ბრიტანეთის პრემიერ-მინისტრმა, კირ სტარმერმა, გამოაცხადა 1,6 მილიარდი გირვანქა სტერლინგის (დაახლ 2 მილიარდი $) ახალი შეთანხმების შესახებ, რომელიც უკრაინას შესაძლებლობას მისცემს შეიძინოს 5 ათასი საზენიტო რაკეტა. ამის შესახებ დიდი ბრიტანეთის ლიდერმა 2 მარტს ლონდონში განაცხადა. უკრაინის თავდაცვის სამინისტრომ განაცხადა, რომ ინიციატივის ფარგლებში, შეიარაღებული ძალები მიიღებენ 5000-ზე მეტ LMM (მსუბუქი მრავალფუნქციური რაკეტა) გადამტაც რაკეტას და მათ გამშვებ დანადგარს. "1.6 მილიარდი გირვანქა სტერლინგის ღირებულების პროექტი მიზნად ისახავს უკრაინის საჰაერო თავდაცვის გაძლიერებას 2030 წლისთვის. იგი დაფინანსებულია ბრიტანეთის მთავრობის სააგენტოს UK Export Finance (UKEF) მიერ გარანტირებული სესხით", - ნათქვამია ანგარიშში. ლონდონის სამიტში მონაწილეობდნენ ნიდერლანდის, დანიის, შვედეთის, ნორვეგიის, გერმანიის, იტალიისა და პოლონეთის პრემიერ-მინისტრები, საფრანგეთის პრეზიდენტი ემანუელ მაკრონი და ფინეთის პრეზიდენტი ალექსანდერ სტუბი. განხილვაში მონაწილეთა შორის იყვნენ ასევე არაევროპული სახელმწიფოს, კანადის პრემიერ-მინისტრი ჯასტინ ტრიუდო და თურქეთის საგარეო საქმეთა მინისტრი ჰაქან ფიდანი. ლონდონის სამიტში მონაწილეობდნენ ნატოს გენერალური მდივანი მარკ რუტე, ევროკომისიის პრეზიდენტი ურზულა ფონ დერ ლაიენი და ევროპული საბჭოს პრეზიდენტი ანტონიუ კოშტა. ევროპელ ლიდერებთან ლონდონში გამართული შეხვედრის შემდეგ ბრიტანეთის პრემიერმა უკრაინის მხარდაჭერისკენ აშშ-საც მოუწოდა. "ევროპამ უნდა შეასრულოს მძიმე შრომა, მაგრამ ჩვენს კონტინენტზე მშვიდობის შესანარჩუნებლად და წარმატების მისაღწევად, ამ ძალისხმევას უნდა ჰქონდეს შეერთებული შტატების ძლიერი მხარდაჭერა", - თქვა სტარმერმა. პრემიერ-მინისტრის თქმით, არაერთმა ქვეყანამ გამოთქვა სურვილი, შეუერთდეს უკრაინის დასახმარებლად დაგეგმილ ევროპულ კოალიციას. ასევე ნახეთ კირ სტარმერმა ევროპელ ლიდერებს თავდაცვის ძალისხმევის გაძლიერებისკენ მოუწოდა ასევე ნახეთ სტარმერი: ლონდონი, პარიზი და კიევი სამშვიდობო გეგმაზე იმუშავებენ ...