„სახელმწიფოფასთან გვაქვს მიმართვა - ეს კომპანია, რომელიც 2006 წლიდან არის, არ ასრულებს თავის ვალდებულებებს არც მოსახლეობასთან და არც დასაქმებულებთან. უნდა გადაიხედოს კონტრაქტი, რაც გაფორმდა... ჩვენ ყველანაირი საშუალება გამოვიყენეთ, რაც კი შეიძლებოდა. 2023 წელს მედიაციით დანიშნულ კომისიის სხდომებზე ვიყავით ერთ-ერთი მხარე, ვიჯექით კომპანიასთან მოლაპარაკების მაგიდასთან - ვუხსნითდით, რა იყო პრობლემები, რა იწვევდა და როგორ მოგვარდებოდა. ამ პრობლემებზე ყური არ გვიგდეს, აგრძელებდნენ ოპერირებას“, - უთხრა რადიო თავისუფლებას საინიციატივო ჯგუფის ერთ-ერთმა წევრმა, დათო ჩინჩალაძე. три ჭიათურაში მომპოვებელი პროცესის ძირითადი ნაწილი 2024 წლის 1 ნოემბრიდან შეჩერებულია - მაშინ თანამშრომლებმა მიიღეს დაპირება, რომ 2025 წლის 1 მარტამდე ხელფასის 60% დაერიცხებოდათ. როგორც საინიციატივო ჯგუფის წევრი ამბობს, წლების წინ ჭიათურაში მანგანიუმის მოპოვებაში მხოლოდ ერთი კომპანია იყო ჩართული, ახლა კი ქვეკომპანიები შეიქმნა, რამაც საწარმოო ხარჯი გაზარდა, მათ კი უკვე ორი კვირა გავიდა და მათ კუთვნილი ანაზღაურება არ მიუღიათ: „ერთი დიდი საწარმო იყო, ერქვა ჭიათურ მანგანეზე, ყველაფერი მას ემსახურებოდა - ახლა დაიყვნენ სხვადასხვა კომპანიად - მოპოვება ცალკეა, ტექნიკა ცალკე, სამრეცხი, საწყობი. შესაბამისად ამათ ყველას ცალკე დირექტორი და მოადგილეები ჰყავთ. გაიბერა შტატები“. „ჯორჯიან მანგანეზი“ ჭიათურაში ყველაზე დიდი დამსაქმებელია. სწორედ ამ საწარმოს გამართულ ფუნქციონირებაზეა დამოკიდებული მუნიციპალიტეტის ეკონომუკური აქტივობა. „ჯორჯიან მანგანეზის“ წარმომადგენელმა, „ჭიათურა მენეჯმენტ კომპანის“ სამეთვალყურეო საბჭოს წვერმა, თემურ ხონელიამ რადიო თავისუფლებას უთხრა, რომ კომპანია ფინანსურ კრიზისს ებრძვის, რადგან ხუთ მაღაროში, სადაც წიაღისეულის 70% მოიპოვება, ადგილობრივი მოსახლეობის მხრიდან დაწყებული პიკეტირების გამო საწარმოო პროცესი შეჩერებულია: „მიუხედავად იმისა, რომ პიკეტირება მათ სასამართლომ აუკრძალა, ეს პროცესი მაინც მიმდინარეობს. კომპანაის არ ეძლევა მუშაობის გაგრძელების შესაძლებლობა... [გარდა ამისა] შეინიშნება, რომ ბოლო ხუთი წლის განმავლობაში ჭიათურაში წარმოება ზარალიანია...“ როგორ გაგრძელდება მომდევნო თვეებში თანაშრომლებისთვის ხელფასების გადახდის საკითხი, ჯერ უცნობია. კომპანიაში ამბობენ, რომ ამ საკითხს დასაქმებულებთან ერთად განიხილავენ: „გამოწვევები გვაქვს და ამ გამოწვევებს ვებრძვით... ძალიან ბევრი მოდელია. ვფიქრობთ, რომ არის რიგი საკითხები, რომელიც ჯერ შიგნით უნდა მოიხარშოს და მერე გახდეს საჯარო“. თემურ ხონელიას თქმით, ბოლო პერიოდში თანამშრომლებში პროფესიული თანამდებობების პოზიციების სახელფასო ანაზღაურება; მოთხოვნის შესაბამისად შეცვალეს დარკვეთის მაღაროს თანამშრომელთა სამუშაო საათები; კვება და სადაზღ...