1 მარტს რუსმა სამხედროებმა ბალისტიკური რაკეტით დაარტყეს ოდესას, რის შედეგადაც ორი ადამიანი დაშავდა, განაცხადა სამხარეო სამხედრო ადმინისტრაციის ხელმძღვანელმა ოლეგ კიპერმა. "თავდასხმის შედეგად, დაზიანდა პორტის ინფრასტრუქტურა და სამოქალაქო გემი, რომელიც პანამის რესპუბლიკის დროშის ქვეშ დაცურავდა. იგი ეკუთვნოდა ევროპულ კომპანიას. დაშავდა ორი კაცი, პორტის თანამშრომლები", - წერს კიპერი სოციალურ ქსელ "ტელეგრამში". три რუსეთის არმია დრონებითა და ბალისტუკური რაკეტებით ბოლო ხანს რეგულარულად ახორციელებს იერიშებს ოდესის საპორტო და სამოქალაქო ინფრასტრუქტურაზე. 31 იანვარს რუსეთმა მორიგი სარაკეტო იერიში მიიტანა უკრაინის საპორტო ქალაქი ოდესაზე. ოფიციალური ცნობებით, სარაკეტო იერიშის შედეგად დაზიანდა იუნესკოს მფარველობაში არსებული ოთხი მუზეუმი, ფილარმონია და ისტორიული სასტუმრო „ბრისტოლი“, რომელიც XIX საუკუნეში აშენდა. ასევე ნახეთ ზურაბ კვაჭაძე: ოდესაც იგივე ფრონტის ხაზია ...