44 ათასი ლარის ღირებულების მომსახურების შესყიდვაზე განაცხადების მიღება დღეს, 2 მარტს დაიწყო და 4 მარტს დასრულდება. „საქართველოს აეროპორტების გაერთიანება“ პრეტენდენტებს აცნობებს, რომ მომდევნო ერთი წლის განმავლობაში გასაყვანი იქნება 300-მდე ძაღლი და რამდენიმე სავალდებულო პირობას განსაზღვრავს: „მომსახურება უნდა განხორციელდეს ჰუმანური/უმტკივნეულო მეთოდით, ამ სფეროში არსებული კანონმდებლობით განსაზღვრული ნორმების სრული დაცვით და დამკვიდრებული საუკეთესო პრაქტიკით“; „აუცილებელი პირობა არის, რომ მიმწოდებლმა აეროპორტის ტერიტორიიდან გაყვანილი ძაღლი არ უნდა დააბრუნოს უშუალოდ აეროპორტის ტერიტორიაზე“. ქუთაისის აეროპორტის შესასვლელი უცნობია, ტენდერში გამარჯვებულ კომპანიას ექნება თუ არა ვალდებულება აეროპორტის მიმდებარე ტერიტორიიდან წაყვანილი ძაღლები არ ჩამოსვას დაუსახლებელ სივრცეში, სადაც მათი გადარჩენის შანსები მცირეა. იმ შემთხვევაში, თუ ამ საკითხზე „აეროპორტების გაერთიანებიდან“ რადიო თავისუფლება პასუხს მოიპოვებს, მასალა განახლდება. სახლიდან ქუჩაში გამოყრილი ცხოველები (ძაღლები და კატები) ყველა დიდ ქალაქსა თუ სოფელში არიან. რიგ შემთხვევაში მათი კასტრაცია/სტერილიზაცია არ ხდება, რის გამოც მრავლდებიან. პარლამენტი არ იღებს კანონს, რომელიც შინაური ცხოველის მეპატრონეს ვალდებულებებს გაუჩენდა და მათი გამოგდების შემთხვევაში სანქციას დაუწესებდა. შინაური ცხოველების შესახებ კანონპროექტი საპარლამენტო უმრავლესობის დეპუტატებმა 2023 წლის 27 დეკემბერს დაარეგისტრირეს, თუმცა ის კანონად არ ქცეულა. ასევე ნახეთ უსაფრთხოა რუსეთში ფრენა? მოკლე პასუხია - არა ...