უნგრეთის პრემიერ-მინისტრმა ვიქტორ ორბანმა ევროპული საბჭოს პრეზიდენტი ანტონიუ კოშტას მიმართა, რათა დაიწყოს პირდაპირი მოლაპარაკებები ევროკავშირსა და რუსეთს შორის უკრაინაში ცეცხლის შეწყვეტის შესახებ. ამის შესახებ სააგენტოები DPA და Reuters-იტყობინებიან. ჟურნალისტების მიერ მოპოვებული ორბანის წერილის თანახმად, ევროკავშირმა უარი უნდა თქვას თავის გეგმაზე, დამატებითი ვალდებულებები აიღოს უკრაინისთვის დახმარების გაზრდის მიზნით. ევროკავშირის ქვეყნები მასზე შეთანხმებას ხუთშაბათის სამიტზე გეგმავენ. განცხადების პროექტში ნათქვამია, რომ უკრაინაში მშვიდობის შესახებ მოლაპარაკებები შეუძლებელია კიევის მონაწილეობის გარეშე. ასევე ნახეთ ტრამპისა და ზელენსკის კონფლიქტს მძაფრი საერთაშორისო გამოხმაურება მოჰყვა ორბანის თქმით, პირდაპირი მოლაპარაკებები და დახმარება ერთდროულად ვერ იქება მხარდაჭერილი. უნგრეთის პრემიერმა ყურადღება გაამახვილა იმ ფაქტზე, რომ ევროკავშირში ასეთი გადაწყვეტილებები ყველა წევრმა ერთხმად უნდა მიიღოს. უნგრეთის მსგავს პოზიციას იკავებს სლოვაკეთი. შაბათს პრემიერ-მინისტრმა რობერტ ფიცომ არარეალური უწოდა ევროკავშირის სტრატეგიას ძალის გამოყენებით მშვიდობის მიღწევის შესახებ. Facebook-ის პოსტის თანახმად, ფიცო მიიჩნევს, რომ ხუთშაბათს დაგეგმილი ევროკავშირის სამიტის საბოლოო რეზოლუცია უნდა შეიცავდეს დებულებას ცეცხლის შეწყვეტის დაუყოვნებლივ მიღწევის შესახებ. უნფრეთი და სლოვაკეთი, ნატოსა და ევროკავშირის წევრი ორი მეზობელი ქვეყანა წინააღმდეგი არიან უკრაინის სამხედრო დახმარებისა და მიიჩნევენ, რომ კიევისათვის შეიარაღების გადაცემა მხოლოდ კონფლიქტის ესკალაციას უწყობს ხელს. ასევე ნახეთ არც ჭურვები და არც სხვა სამხედრო დახმარება უკრაინისთვის - უნგრეთისა და სლოვაკეთის პოზიცია უცვლელია ...