ოკუპირებული აფხაზეთის რესპუბლიკის საპრეზიდენტო არჩევნებში კენჭისყრა დასრულდა. ყველა საარჩევნო უბანი ადგილობრივი დროით 20:00 საათზე დაიხურა. ამომრჩეველტა აქტივობა მაღალი იყო. "ეხო კავკაზას" ცნობით, 18 საათისთვის ამომრჩეველთა აქტივობამ 63%-ი შეადგინა. ე.წ. საუბნო კომისიების წევრებმა ხმების დათვლა დაიწყეს. რესპუბლიკის მეთაურის პოსტზე ორი კანდიდატი იყრის კენჭს-ადგურ არძინბა და ბადრა გუნბა, რომლებმაც პირველ ტურში ყველაზე მეტი ხმა მიიღეს. 15 თებერვალს გამართულ პირველ ტურში გუნბამ ხმების 46.38% მიიღო, არძინბამ - 36.92%. აფხაზეთის დე ფაქტო რესპუბლიკის „კონსტიტუციის“ თანახმად, ე.წ. პრეზიდენტად შეიძლება აირჩეს მხოლოდ აფხაზი ეროვნების 35-დან 65 წლამდე ასაკის მოქალაქე. 2025 წლის 15 თებერვლისთვის რეგისტრირებულ „ამომრჩეველთა“ რაოდენობამ 135 ათასი შეადგინა. ე.წ. არჩევნებში მონაწილეობა მიიღო 99 ათასმა ადამიანმა. ასევე ნახეთ "თავისუფლება" თუ "სუვერენიტეტით ვაჭრობა?" - ე.წ. არჩევნების მე-2 ტური აფხაზეთში ლოიალურ და უფრო ლოიალურ კანდიდატს შორის ...