როგორც სასწრაფო სამედიცინო დახმარებაში რადიო თავისუფლებას უთხრეს, ბათუმის ბულვარის სანაპიროზე გამოძახებულ ბრიგადას, პარაშუტიდან ვარდნის შედეგად ტურისტი ქალი ადგილზე დაღუპული დახვდა, მამაკაცი კი ბათუმის რესპუბლიკურ საავადმყოფოში გადაიყვანეს. კლინიკის პრესსამსახურის ინფორმაციით, მამაკაცის მდგომარეობა დამაკმაყოფილებელია და მას კვლევები უტარდება. საქართველოს შინაგან საქმეთა სამინისტროში აცხადებენ, რომ ფაქტზე გამოძიება დაიწყო სისხლის სამართლის კოდექსის 275-ე მუხლით, რაც გულისხმობს რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევას. ...