რუსეთში აშშ-ის ელჩმა - მას შემდეგ, რაც ის საგარეო საქმეთა სამინისტროში გამოიძახეს - განაცხადა, რომ შეერთებული შტატები წუხს მშვიდობიან მოსახლეობას შორის დაღუპულთა ნებისმიერ შემთხვევაზე, - განაცხადა სახელმწიფო დეპარტამენტის წარმომადგენელმა მეთიუ მილერმა 24 ივნისს და დასძინა, რომ ვაშინგტონი უკრაინას იარაღს აწვდის იმისთვის, რომ მან შეძლოს თავისი სუვერენული ტერიტორიის - მათ შორის, ყირიმის - დაცვა. კრემლმა 24 ივნისს პირდაპირ დაადანაშაულა აშშ მის მიერ მიწოდებული ATACMS რაკეტებით ყირიმზე თავდასხმაში, რის შედეგადაც დაიღუპა, სულ ცოტა, ოთხი ადამიანი და დაშავდა - 151. მოსკოვმა ოფიციალურად გააფრთხილა აშშ-ის ელჩი ლინ ტრეისი, რომ ამას შურისძიება მოჰყვება. პენტაგონის წარმომადგენელმა, მაიორმა ჩარლი დიტცმა განაცხადა 24 ივნისს, რომ "უკრაინა საკუთარ გადაწყვეტილებებს იღებს სამიზნეების შესახებ და ატარებს საკუთარ სამხედრო ოპერაციებს." ასევე ნახეთ უკრაინის გენშტაბი აცხადებს დარტყმებზე ყირიმში, რუსეთის სარაკეტო სისტემებზე ...